निलंबित दोघंही अधिकारी हे लाखनी पोलीस स्टेशन चे असून पीडित महिलेवर पहिल्यांदा अत्याचार झाल्यावर तिने लाखनी पोलीस स्टेशन गाठले होते. बहिनीसोबत भांडण झाल्याने पीडित महिलेने ३० जुलैला रात्रीच्या सुमारास घर सोडले. ती भंडारा जिल्ह्यात आईकडे जाणाच्या बहाण्याने निघाली असता आरोपीने तिला घरी सोडण्याच्या बहाण्याने कारमध्ये बसवत गोंदिया जिल्ह्याच्या मुंडीपार जंगलात नेऊन ३० आणि ३१ जुलैला अत्याचार केला. त्यानंतर आरोपीने तिथून पळ काढला.
कोण होणार मंत्री? भाजपमध्ये वेगवान घडामोडी; एक अलिखित नियम अन् झटक्यात ४ जणांचा पत्ता कट?
दरम्यान, पीडिता जंगलातून निघून लाखनी पोलीस स्टेशनला घाबरलेल्या अवस्थेत पोहोचली. तिथे पोलिसांनी तिच्याकडे लक्ष न देता तिला रात्री एका रूममध्ये ठेवलं. ही पीडिता तिथून सकाळीच निघून गेली आणि कन्हाळमोह येथे एका ढाब्यावर पोहचली. तिथे दुचाकी दुरुस्त करणाऱ्या आरोपी क्रमांक दोनने घरी सोडून देण्याच्या बहाण्याने आरोपीने आपल्या मित्रासोबत १ ऑगस्ट रोजी तिच्यावर अत्याचार केला. दरम्यान, लाखनी पोलिसांनी गांभीर्य दाखविले असते तर महिलेचा जीव धोक्यात आला नसता. त्यामुळे आता या प्रकरणी पोलिसांवर टीकेची झोड उठत आहे.
राज्याला हादरवून टाकणाऱ्या भंडारा प्रकरणात आतापर्यंत दोन आरोपींना अटक करण्यात आली आहे. तर मुख्य आरोपी अद्याप फरार आहे. या प्रकरणी आतापर्यंत दोन पोलीस कर्मचाऱ्यांना कारवाई करत दोघांना निलंबित करण्यात आलं आहे. पीडिता तिच्यावर पहिल्यांदा अत्याचार झाला त्यावेळी पोलीस स्टेशनमध्ये आली होती. पण तिच्याकडे पोलिसांनी दुर्लक्ष केल्याचं समोर आलं आहे. त्यांनंतर तिच्यावर दुसऱ्यांदा अत्याचार झाला. या प्रकरणात पोलीस उपनिरीक्षक दिलीप खरडे, सहाय्यक पोलीस निरीक्षक लखन उईके यांना निलंबित करण्यात आले आहे.
नेमकं काय आहे प्रकरण ?
भंडाऱ्यात घडलेल्या सामूहिक बलात्काराच्या घटनेने संपूर्ण परिसरात खळबळ उडाली असून यामुळे नागरिकांमध्ये भीतीचं वातावरण आहे. बहिणीशी किरकोळ कारणावरून वाद झाल्याने रागाच्या घरात बाहेर पडणाऱ्या ३५ वर्षीय तरुणीवर दोन नराधमांनी सामूहिक बलात्कार केल्याची घटना समोर आली. यामध्ये पोलिसांनी दोन्ही आरोपींना ताब्यात घेतलं असून तपास सुरू असल्याची माहिती आहे.
अत्याचार पीडित महिला गोंदिया जिल्ह्याच्या गोरेगाव तालुक्यातील रहिवासी आहे पतीने नांदवायला नकार दिल्यानंतर पीडिता तिच्या बहिणीच्या घरी राहायची. ३० जुलै रोजी तिचा बहिणीसोबत किरकोळ वाद झाला. रागाच्या भरात तिने घर सोडले आणि माहेरी जाण्यासाठी निघाली. मात्र, तिथेच घात झाला. मदतीच्या बहाण्याने एका कारचालकाने तिच्यावर तब्बल दोन दिवस बलात्कार केला. ३१ जुलै रोजी पळसगाव येथे अत्याचार करून जंगलात सोडून दिले.
पीडित महिला जंगलात भटकत असताना १ ऑगस्ट रोजी भंडारा शहराजवळील कान्हालमोह येथील धर्मा ढाबा येथे आली. तेव्हा एक व्यक्ती तिच्याजवळ आला. ‘घरी नेऊन सोडतो,’ असे म्हणाला. पण, महिलेला त्याच्यावर विश्वास बसला नाही. तेव्हा दुसऱ्या व्यक्तीने विश्वास दिल्यावर महिला सोबत जाण्यास तयार झाली. त्यानंतर पहिल्या व्यक्तीसोबत दुचाकीवर बसून महिला निघाली. पण, दोघांनीही तिच्यावर शेतात नेऊन अत्याचार केला. नंतर तिथेच सोडून दोघांनीही पळ काढला.
चौथं Gold Medal… भारताला टेबल टेनिसमध्ये ऐतिहासिक सुवर्णपदक, अचंथाची भन्नाट कामगिरी
अत्याचारानंतर रात्रभर पीडिता तशीच पडून होती. अत्याचारामुळं तिने शुद्ध गमावली होती. कन्हाडमोह येथे रात्रभर पीडिता वेदनेने विव्हळत होती त्याचवेळी गावातील तरुणांचे तिच्याकडे लक्ष गेले. गावकरीही तिच्या मदतीसाठी धावले. पोलिसांनाही या घटनेची माहिती दिली. महिला विवस्त्र होती व वेदनेने कण्हत होती. पोटापासून पायापर्यंत रक्ताने शरीर माखले होते. प्रचंड रक्तस्त्रावामुळं महिलेची प्रकृती चिंताजनक आहे. आरोपींनी पीडितेच्या गुप्तांगावर धारदार शस्त्रांनी गंभीर जखमा केल्या आहेत. त्यामुळं पीडितेच्या गर्भाशयापर्यंत जखम झाली आहे.
पीडितेची प्रकृती नाजुक असून वारंवार तिची शुद्ध हरपत आहे. सध्या नागपूरच्या शासकीय वैद्यकीय महाविद्यालय व रुग्णालयात उपचार सुरू आहेत. महिलेला मेडिकलमध्ये आणले त्यावेळी ती बेशुद्धावस्थेत होती. तिला प्रचंड रक्तस्राव होत होता. त्यामुळे तिच्यावर तातडीने एक शस्त्रक्रिया करण्यात आली. आणखी एक शस्त्रक्रिया करावी लागणार आहे. सध्या तिला मेडिकलच्या अतिदक्षता विभागात ठेवण्यात आले.
5G स्मार्टफोन खरेदीचा प्लान आहे ? पाहा ही लिस्ट, मिळतोय जोरदार ऑफ, लिस्टमध्ये OnePlus,
