Authored by गुरुबाळ माळी | Edited by कुणाल गवाणकर | महाराष्ट्र टाइम्स.कॉम | Updated: Aug 8, 2022, 8:49 PM

तब्बल एक महिन्यानंतर होत असलेल्या मंत्रिमंडळ विस्तारात पहिल्या टप्प्यात भाजपचे प्रदेशाध्यक्ष चंद्रकांत पाटील आणि मिरजेचे आमदार सुरेश खाडे या दोघांचा समावेश होणार असल्याचे खात्रीलायक वृत्त आहे.

 

khade bjp
सुरेश खाडे
सांगली/कोल्हापूर: तब्बल एक महिन्यानंतर होत असलेल्या मंत्रिमंडळ विस्तारात पहिल्या टप्प्यात भाजपचे प्रदेशाध्यक्ष चंद्रकांत पाटील आणि मिरजेचे आमदार सुरेश खाडे या दोघांचा समावेश होणार असल्याचे खात्रीलायक वृत्त आहे. यामुळे चंद्रकांत पाटील कोल्हापूरचे तर खाडे सांगलीचे पालकमंत्री होणार हे जवळजवळ निश्चित झाले आहे. याशिवाय साताऱ्याचे शंभूराज देसाई आणि राजेंद्र पाटील यड्रावकर यांना दुसऱ्या टप्प्यात मंत्रीपद मिळणार असल्याचे विश्वसनीय वृत्त आहे.

राज्यात भाजप आणि शिंदे गटाची सत्ता आल्यानंतर गेले महिनाभर मंत्रिमंडळ विस्ताराची प्रतीक्षा होती. ही प्रतीक्षा मंगळवारी संपणार असून सकाळी साधारणतः १५ पेक्षा अधिक मंत्र्यांचा शपथविधी होण्याची शक्यता आहे. कोल्हापुरातून आमदार विनय कोरे, प्रकाश आवाडे, राजेंद्र पाटील यड्रावकर आणि प्रकाश अबीटकर यांच्या नावांची चर्चा होती. पण प्रत्यक्षात पहिल्या टप्प्यात यातील कोणालाही मंत्रीपद मिळण्याची शक्यता नसल्याचे समजते. केवळ चंद्रकांत पाटील यांनाच मंत्रिपद मिळणार असून त्यांना कोल्हापूरच्या पालकमंत्रिपदाची जबाबदारी सोपवण्यात येणार आहे. यापूर्वी पाच वर्षे ते कोल्हापूरचे पालकमंत्री होते. ते कोल्हापूरचे असले तरी पुण्यातील कोथरूड मतदार संघातून विधानसभेवर निवडून आले आहेत.
कोण होणार मंत्री? भाजपमध्ये वेगवान घडामोडी; एक अलिखित नियम अन् झटक्यात ४ जणांचा पत्ता कट?
सांगली जिल्ह्यातील अनिल बाबर, सुरेश खाडे यांची नावे मंत्रिपदाच्या शर्यतीत होती. त्यामध्ये खाडे यांनी बाजी मारल्याचे समजते. त्यांचा उद्या कॅबिनेट मंत्री मधून म्हणून शपथविधी होणार असून सांगलीच्या पालकमंत्री पदाची जबाबदारीदेखील त्यांच्यावर सोपवली जाणार आहे. खाडे एससी समाजातील महत्त्वाच्या नेत्यांपैकी एक आहेत. त्यांना मंत्रिपद देऊन जातीय समतोल राखण्याचा भाजपचा प्रयत्न आहे.
चर्चा मंत्रिमंडळ विस्ताराची, पण भाजपनं दीर्घकाळची रणनीती आखली; शेलारांवर मोठी जबाबदारी?
प्रविण दरेकर, चंद्रशेखर बावनकुळे, प्रसाद लाड, राम शिंदे यांना मंत्रिमंडळात स्थान मिळेल अशी चर्चा होती. मात्र भाजपनं दिग्गजांना बाजूला सारल्याची चर्चा आहे. कारण या नेत्यांना मंत्रिपदासाठी कोणताही फोन आलेला नाही. खाडे यांना मात्र मुंबईत पोहोचण्याच्या सूचना देण्यात आल्या आहेत. विधानसभेत खाडे मिरज मतदारसंघाचं प्रतिनिधीत्व करतात. २००९, २०१४ आणि २०१९ अशी सलग तीनवेळा त्यांनी विधानसभा निवडणूक जिंकली आहे.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : Marathi News from Maharashtra Times, TIL Network

LEAVE A REPLY

Please enter your comment!
Please enter your name here