extra marital affair murder, तरुणाचा अनैतिक संबंधातून खून; पुरावा नष्ट करण्यासाठी असे काही केलं की पोलीसही चक्रावले – murder of a youth in extra marital affair relationship a case has been registered against four accused

हिंगोली : अनैतिक संबंधांतून एका तरुणाचा खून करण्यात आल्याची घटना सेनगाव तालुक्यात घडली आहे. तालुक्यातील बनबरडा शिवारात एका पुलाखाली अनोळखी तरुणाचा मृतदेह ७ ऑगस्ट रोजी सकाळी १० वाजता आढळला होता. तसंच घटनास्थळी एक दुचाकीही आढळली होती. मारेकऱ्यांनी अत्यंत शिताफीने केलेल्या या खुनाचा सेनगाव पोलिसांनी २४ तासांमध्ये तपास करत मृतदेहाची ओळख पटवून मारेकऱ्यांनाही ताब्यात घेतलं आहे.

पोलिसांकडून मिळालेल्या माहितीनुसार, बनबरडा शिवारातील सरस्वती नाल्यामध्ये रविवारी सकाळी शेतकऱ्यांना एक अनोळखी मृतदेह आणि मोटारसायकल आढळली होती. मृतदेहाच्या अवस्थेवरून मारेकऱ्यांनी धारधार शस्त्राने वार करून सदर युवकाचा खून केला असल्याचा अंदाज घटनास्थळी पोहोचलेल्या पोलीस निरीक्षक रणजित भोईटे आणि त्यांच्या सहकाऱ्यांना आला. परंतु मृताची ओळख पटल्याशिवाय तपास पुढे जाऊ शकणार नव्हता.

Eknath Shinde: संतोष बांगर शेवटपर्यंत उद्धव ठाकरेंसोबत का थांबले होते, एकनाथ शिंदेंचा गौप्यस्फोट

पोलिसांनी बारकाईने मृतदेहाची पाहणी करत असताना घटनास्थळी हजर असलेल्या जमादार सुभाष चव्हाण यांना मृतदेह पाहता क्षणी तरुणाची ओळख पटली. जमादार चव्हाण यांनी सदर मृतदेह हा पांगरी (ता. हिंगोली) येथील हरीदास वकृजी टापरे याचा असल्याचं सांगितले. त्यानंतर तपासाची चक्रे वेगाने फिरली आणि युवकाचा अनैतिक संबंधातून खून झाला असल्याची शक्यता व्यक्त करण्यात आली.

Flood News : श्रावणी सोमवारी महादेवाच्या दर्शनासाठी गेलेल्या दोन भाविकांवर काळाचा घाला

कसा झाला खुनाचा उलगडा?

या प्रकरणात संशयितांना ताब्यात घेऊन पोलिसी खाक्या दाखवताच त्यांनी खुनाची कबुली दिली. आरोपींनी अनैतिक संबंधाच्या कारणामुळे हरदीस टापरे याच्या डोक्यावर आणि मानेवर जोरदार वार करत त्याला जीवे मारले. तसंच पुरावा नष्ट करण्यासाठी मृतदेह वाहनाद्वारे घटनास्थळापासून जवळपास १०० किलोमीटर अंतरावर टाकला. परंतु पोलिसांनी या खुनाचा २४ तासांत उलगडा करत आरोपींना ताब्यात घेतले.

दरम्यान, याप्रकरणी मुलगा अरविंद हरीदास टापरे याच्या फिर्यादीवरून आरोपी व्यंकटी गोविंदा मस्के, ज्ञानेश्वर बबन गिरे, संतोष नामदेव बानबुडे, आशाबाई बबन गिरे (सर्व रा. लोहगाव) यांच्याविरुद्ध खुनाचा गुन्हा दाखल करण्यात आला असल्याची माहिती पोलीस निरीक्षक रणजित भोईटे यांनी दिली.