Police Naik Sent to Police Custody, धक्कादायक! महिला पोलीस नाईकालाच जावे लागले पोलीस कोठडीत, असे केले काम जे… – a lady police naik was sent to police custody for demanding bribe in mangaon police station
माणगाव : चोरीच्या गुन्ह्यामध्ये मदत करून आरोपीला बाहेर काढण्यासाठी लाच मागणाऱ्या माणगाव पोलीस ठाण्यातील महिला पोलीस नाईक कुंजन जाधव (वय, ३२ वर्षे) यांच्यावर कारवाई करत त्यांची रवानगी पोलीस कोठडीत करण्यात आली आहे. आरोपीला सोडून देण्यासाठी पोलीस नाईक जाधव यांनी आरोपीकडे ९० हजार रुपये मागणी केली. या प्रकरणी त्याना सोमवारी रात्री लाचलुचपत पथकाकडून ताब्यात घेण्यात आल्याने खळबळ उडाली आहे. ९ ऑगस्ट रोजी मंगळवारी माणगाव न्यायालयासमोर हजर केले असता त्यांची माणगाव न्यायालयाने चार दिवसांच्या पोलीस कोठडीत रवानगी करण्यात आली आहे.रायगडच्या लाचलुचपत प्रतिबंधक विभागाने माणगाव डीवायएसपी कार्यालयाच्या मदतीने सोमवारी, ८ ऑगस्ट रोजी ही मोठी कारवाई केली. (a lady police naik was sent to police custody for demanding bribe)
महिला पोलीस नाईक कुंजन जाधव यांनी ज्या आरोपीकडे ९० हजारांची मागणी केली त्या तक्रारदार आरोपीच्या विरुद्ध माणगाव पोलीस ठाण्यात चोरीचा गुन्हा दाखल करण्यात आला होता. या चोरीच्या गुन्ह्यातून बाहेर काढण्यासाठी तक्रारदाराने महिला पोलीस नाईक कुंजन जाधव यांस सहकार्य करण्यास सांगितले होते. या गुन्ह्यातून आरोपीला बाहेर काढण्यासाठी सहकार्य करण्यासाठी महिला पोलीस नाईक जाधव यांनी सुरुवातीला १ लाख रुपयांची मागणी केली होती. तडजोडीअंती ९० हजार रुपये लाचेची रक्कम घेण्याचे त्यांनी मान्य केले. पावसाचं थैमान: राज्यातील आणखी एका जिल्ह्यात आज सर्व शाळा, अंगणवाडी आणि महाविद्यालयांना तातडीची सुट्टी जाहीर याबाबत आरोपीने रायगडच्या लाचलुचपत प्रतिबंधक विभागाकडे तक्रार केली होती. लाचेची रक्कम घेण्याचे मान्य केल्याने रायगडच्या लाचलुचपत प्रतिबंधक विभागाने माणगावच्या डीवायएसपी कार्यालयातून सोमवार, दिनांक ८ ऑगस्ट रोजी महिला पोलीस नाईक कुंजन जाधव यांना ताब्यात घेतले. त्यानंतर त्यांना रात्री अटक करण्यात आली. जाधव यांच्या विरुद्ध गुन्हा दाखल करण्यात आला आहे.
पावसाचं थैमान: राज्यातील आणखी एका जिल्ह्यात आज सर्व शाळा, अंगणवाडी आणि महाविद्यालयांना तातडीची सुट्टी जाहीर
जीवघेण्या हल्ल्यातून थोडक्यात बचावलेल्या शिवसेना नेत्याला थेट जीवे मारण्याची धमकी
उल्हास नदीत मासेमारी करताना तरुण गेला वाहून, व्हिडिओत स्पष्ट झाली घटना
