MLA Santosh Banger | शिवसेना विरुद्ध एकनाथ शिंदे गटातील वाद सर्वोच्च न्यायालयात प्रलंबित आहे. सध्या दोन्ही गटांमध्ये शिवसेना कोणाची, यावरून वाद सुरु आहे. काही शिवसैनिक (Shivsena) हे फोन करून बंडखोर आमदारांचीच फिरकी घेताना दिसत आहेत. शिंदे गटातील हिंगोलीच्या कळमनुरी मतदारसंघाचे आमदार संतोष बांगर (Santosh Banger) यांच्याबाबतही असाच किस्सा घडला आहे.
हायलाइट्स:
- संतोष बांगर यांनी अलीकडेच शिवसेनेच्या एका कार्यकर्त्याने फोन केला होता
- हा कार्यकता संतोष बांगर यांच्याकडे उसने पैसे मागत होता
- त्याच्या बोलण्याचा एकूण रोख खोचक होता
Eknath Shinde: संतोष बांगर शेवटपर्यंत उद्धव ठाकरेंसोबत का थांबले होते, एकनाथ शिंदेंचा गौप्यस्फोटसंतोष बांगर यांनी अलीकडेच शिवसेनेच्या एका कार्यकर्त्याने फोन केला होता. त्यावेळी हा कार्यकता संतोष बांगर यांच्याकडे उसने पैसे मागत होता. त्याच्या बोलण्याचा एकूण रोख खोचक होता. फोनवरून हा शिवसैनिक संतोष बांगर यांना म्हणाला की, ‘साहेब, मला ५० एक लाखांची अडचण होती. तुम्हाला ५० कोटी भेटले असतील ना. मला खरंच अडचण होती. आता मला ५० लाख रुपये द्या.सहा महिन्यांत पैसे माघारी देतो’, असे या कार्यकर्त्याने म्हटले. त्यावर संतोष बांगर हे चांगलेच वैतागले होते. संतोष बांगर यांच्याकडून या सगळ्या प्रकरणावर कोणतेही भाष्य करण्यात आलेले नाही. मात्र, त्यांची ही ऑडिओ क्लीप सध्या सोशल मीडियावर तुफान व्हायरल होत आहे.
आरे म्हटला तर कारे करु, कानाखाली आवाज काढू, आमच्या नादी लागू नका, संतोष बांगरांची पुन्हा धमकीतर दुसऱ्या एका फोन कॉलवर एक शिवसैनिक संतोष बांगर यांना जाब विचारताना ऐकायला मिळत आहे. हा शिवसैनिक संतोष बांगर यांना उद्देशून म्हणाला की, ‘आपल्याला गद्दार बोलणाऱ्यांच्या कानाखाली आवाज काढा’, असे तुम्ही शिवसैनिकांना म्हणाला होतात. तुम्ही गोरगरिबांची पोरं असलेल्या कार्यकर्त्यांना दुसऱ्यांच्या कानाखाली आवाज काढायला सांगता. तुम्ही स्वत: गद्दार बोलणाऱ्यांच्या कानाखाली आवाज काढा ना. गोरगरिबांच्या पोरांना कशाला चिथावणी देता, असे या कार्यकर्त्याने म्हटले. त्यामुळे संतापलेल्या संतोष बांगर यांनी फोन कॉलच कट करू टाकला होता.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : Marathi News from Maharashtra Times, TIL Network
