jalna it raid, जालन्यानंतर आणखी एक मोठी कारवाई, मराठी व्यापार्‍याकडून १.२२ कोटी अन् २० सोन्याची बिस्कीटं परराज्यात जप्त – excise team recovered over rs 122 crore in cash and 20 gold biscuits from maharashtra based businessman at odisha
ओडिसा : महाराष्ट्राच्या जालन्यामध्ये इनकम टॅक्स विभागाची आठ दिवसांपासून छापेमारी सुरू आहे. या कारवाईमध्ये तब्बल ३९० कोटी रुपये जप्त करण्यात आले. या कारवाईनंतर आता आणखी एक मोठी कारवाई ओडिसामध्ये करण्यात आली आहे. ओडिसाच्या उत्पादन शुल्क पथकाने गंजम जिल्ह्यामध्ये लांजीपल्ली इथं महाराष्ट्रातल्या एका व्यावसायिकाच्या ताब्यातून मोठी संपत्ती जप्त केली आहे.
मिळालेल्या माहितीनुसार, संबंधित व्यावसायिकाकडून तब्बल १.२२ कोटी रुपयांहून अधिक रोख रक्कम जप्त केली. इतकंच नाहीतर २० सोन्याची बिस्किटही या व्यवसायिकाकडून जप्त करण्यात आली आहे. एवढी मोठी रक्कम या व्यवसायाकडे कशी आली? याचा तपास सध्या पथकाकडून सुरू आहे तर त्याचे इतर धागेदोरे ही शोधण्याचा प्रयत्न सुरू असल्याची माहिती आहे.
पथकाने दिलेल्या माहितीनुसार, अधिकारी नेहमीप्रमाणे गंजम नॅशनल हायवेवर तपास करत असताना एका ड्रग्ज तस्कराची चौकशी करण्यात आली. त्याचा तपास घेताच ही धक्कादायक माहिती उघड झाली. यामुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.
Jalna IT Raid: जालन्यात अजय देवगनच्या ‘रेड’ स्टाइल छापा; महाराष्ट्राला लाजवेल असा प्रकार, ३९० कोटी जप्त
डॉक्टर पत्नीवर आला भलताच संशय, किचनमध्ये लावला सिक्रेट कॅमरा अन् खरा ठरला अंदाज…
