Rajasthan News: सुनील, पूजा, पीयूष, पंकज, लक्ष्मी, भूरी देवी, रामवीर जुट्टो या आठ जणांमुळं आम्ही आत्महत्या करत आहोत. आम्हा दोघांच्या मृत्यूनंतर सोनूच्या कुटुंबीयांना कोणीही दोष देऊ नये. मी पूर्णपणे शुद्धीत या सर्व गोष्टी लिहित आहे.

 

rajasthan couple suicide
राजस्थानः धौलपुर जिल्ह्यात एका प्रेमी युगुलानं धावत्या ट्रेनसमोर उडी घेत आत्महत्या केल्याची घटना घडली आहे. घटनेची माहिती मिळताच पोलिसांनी घटनास्थळी धाव घेतली असून दोघांचे मृतदेह ताब्यात घेतले असून शवविच्छेदनासाठी पाठवण्यात आले आहेत. या दरम्यान पोलिसांना सुसाइड नोट मिळाली असून यात आत्महत्येचं धक्कादायक कारण नमूद करण्यात आलं आहे. तसंच, या घटनेमुळं दोघांच्याही घरी दुखाचा डोंगर कोसळला आहे.

गुरुवारी प्रेमी युगलानं धावत्या ट्रेनखाली आत्महत्या केली आहे. आत्महत्येच्या आधी या जोडप्याने सोशल मीडियावर नोट पोस्ट केली आहे. अल्पवयीन प्रेयसीने ही नोट पोस्ट केली होती. सुसाइड नोटमध्ये अल्पवयीन तरुणीने त्यांच्या आत्महत्येसाठी आठ जणांना जबाबदार धरलं आहे. तसंच, प्रियकर सोनूच्या कुटुंबीयांना त्रास न देण्याचंही सुसाइड नोटमध्ये लिहलं आहे. सोशल मीडियावर सुसाइट नोट पाहिल्यानंतर सोनूच्या मित्रांनी याबाबत पोलिसांना माहिती दिली. पोलिसांनी दोघांचे मृतदेह ताब्यात घेतले असून त्यांच्या कुटुंबीयाना याबाबत माहिती दिली.

वाचाः कारच्या भरधाव धडकेत सहा जणांचा जागीच मृत्यू; काँग्रेस आमदाराच्या जावयाला अटक

सुसाइट नोटमध्ये काय लिहलं आहे?

सुनील, पूजा, पीयूष, पंकज, लक्ष्मी, भूरी देवी, रामवीर जुट्टो या आठ जणांमुळं आम्ही आत्महत्या करत आहोत. आम्हा दोघांच्या मृत्यूनंतर सोनूच्या कुटुंबीयांना कोणीही दोष देऊ नये. मी पूर्णपणे शुद्धीत या सर्व गोष्टी लिहित आहे. ही आठ लोक माझ्यावर सोनूसोबत लग्न न करण्याचा दबाव टाकत होते. सर्वांना वाटतं आम्ही जीव द्यावा, म्हणून आम्ही जीवन संपवतोय. एक गोष्ट ध्यानात घ्या मी हे वारंवार सांगतेय आमच्या मृत्यूनंतर सोनूच्या घरावर कोणतंही संकट आलं नाही पाहिजे, असं या सुसाइड नोटमध्ये लिहलं आहे. तर चिठ्ठीच्या शेवटी सोनू संग सपना, असं लिहलं आहे.

वाचाः ‘लिव्ह- इन’मध्ये राहणाऱ्या तरुणीसोबत घडला भयंकर प्रकार; जखमांवर घालावे लागले २०० टाके

रेल्वे रुळाच्या बाजूला एका युवक व युवकाने आत्महत्या केल्याची सूचना पोलिसांना मिळाली. त्यानंतर आम्ही घटनास्थळी पोहोचलो तेव्हा तिथे दोघेही मृतअवस्थेत सापडले. या दोघांचा मृतदेह ताब्यात घेऊन तो शवविच्छेदनासाठी रुग्णालयात पाठवण्यात आला आहे. पोलीस या प्रकरणाचा तपास करत असून दोषींवर योग्य ती कारवाई केली जाईल, असं एएसआय हाकिम सिंह यांनी म्हटलं आहे.

वाचाः काश्मीरमध्ये पुन्हा एकदा टार्गेट किलिंग; दहशतवाद्याकडून बिहारी मजुराची गोळ्या झाडून हत्या

LEAVE A REPLY

Please enter your comment!
Please enter your name here