Union home ministers medal | पोलिस निरीक्षक सुरेशकुमार राऊत शिरूर येथे प्रभारी अधिकारी असताना ‘बँक ऑफ महाराष्ट्र’च्या पिंपरखेड शाखेत दरोडेखोरांनी पिस्तुलाचा धाक दाखवून ८२४ तोळे सोन्या-चांदीचे दागिने आणि रोख रक्कम असा ३२ लाख ५२ हजार ५६० रुपयांचा ऐवज लंपास केला होता. गुन्हा उघड करण्याचे आव्हान पोलिसांसमोर होते. या गुन्ह्याचा शिरूर पोलिस आणि स्थानिक गुन्हे अन्वेषण शाखेने समांतर तपास केला.

 

Pune Police
पुणे पोलीस
म. टा. प्रतिनिधी, पुणे: गंभीर गुन्ह्यांचा उत्कृष्टरीत्या तपास करणाऱ्या पुणे ग्रामीण पोलिस दलातील तीन अधिकाऱ्यांना केंद्रीय गृहमंत्री पदक जाहीर करण्यात आले आहे. यात पोलिस निरीक्षक दिलीप पवार, पोलिस निरीक्षक सुरेशकुमार राऊत आणि सहायक पोलिस निरीक्षक मनोज पवार यांचा समावेश आहे. महाराष्ट्र पोलिस दलास दर वर्षी ११ पदके प्रदान केली जातात. पुणे ग्रामीण पोलिस दलाकडून चार नावांचा प्रस्ताव केंद्र सरकारला पाठविण्यात आला होता. पोलिस निरीक्षक दिलीप पवार लोणावळा शहर येथे प्रभारी अधिकारी असताना दरोड्याच्या गुन्ह्यातील मध्य प्रदेशातील टोळीला अटक करण्यात आली होती.

गुन्हा घडल्याच्या तारखेपासून १० दिवसांच्या आत गुन्ह्याची उकल करून पवार यांच्या पथकाने १५ आरोपींना बेड्या ठोकल्या होत्या; तसेच गुन्ह्यातील ३० लाख ५२ हजार २०० रुपये किमतीचा मुद्देमाल हस्तगत करण्यात आला. पोलिस निरीक्षक सुरेशकुमार राऊत शिरूर येथे प्रभारी अधिकारी असताना ‘बँक ऑफ महाराष्ट्र’च्या पिंपरखेड शाखेत दरोडेखोरांनी पिस्तुलाचा धाक दाखवून ८२४ तोळे सोन्या-चांदीचे दागिने आणि रोख रक्कम असा ३२ लाख ५२ हजार ५६० रुपयांचा ऐवज लंपास केला होता. हा गुन्हा उघड करण्याचे आव्हान पोलिसांसमोर होते. या गुन्ह्याचा शिरूर पोलिस आणि स्थानिक गुन्हे अन्वेषण शाखेने समांतर तपास करून दोन कोटी ३६ लाख ४२ हजार ९६० रुपयांचा मुद्देमाल हस्तगत केला होता.

या गुन्ह्यात पाच आरोपींना अटक करण्यात आली होती. मृत मुलीच्या गुन्ह्याप्रकरणी ४८ तासांत आरोपी जेरबंद सहायक पोलिस निरीक्षक मनोज पवार वेल्हे येथे प्रभारी अधिकारी असताना कातकरी समाजाची मुलगी हरविल्याच्या तक्रारीवरून गुन्हा दाखल झाला होता. मुलगी मृत स्थितीत आढळली होती. तिच्यावर लैंगिक अत्याचार होऊन ती मृत झाल्याचे शवविच्छेदन अहवालात नमूद करण्यात आले होते. या प्रकरणात आरोपीला ४८ तासांत जेरबंद करण्यात आले. जलदगती न्यायालयात चालविण्यात आलेल्या खटल्यात आरोपीला मरेपर्यंत फाशीची शिक्षा सुनावण्यात आली.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : Marathi News from Maharashtra Times, TIL Network

LEAVE A REPLY

Please enter your comment!
Please enter your name here