Sanjay Raut Arthur road jail | राऊत या कारागृहात वेळ मिळाल्यावर ग्रंथालयात वाचन करतात, सध्या सुरु असलेल्या राजकीय घडामोंडीवरील बातम्यांवर त्यांचे लक्ष असते. कारागृहात त्यांचे लेखन सुरु आहे. त्यांना लेखनासाठी वही, पेन व अन्य साहित्य पुरविण्यात आले आहे. न्यायालयाने संजय राऊत यांना घरचे जेवण आणि औषधे देण्यास परवानगी दिली होती.

 

Sanjay Raut Arthur road jail
संजय राऊत

हायलाइट्स:

  • संजय राऊत यांचा कैदी क्रमांक ८९५९ आहे
  • आर्थर रोड कारागृहात मोजक्याच लोकांना संजय राऊत यांना भेटण्याची परवानगी आहे
  • संजय राऊतांची खोली १० बाय १० आकाराची
मुंबई: पत्राचाळ आर्थिक गैरव्यवहार प्रकरणात सक्तवसुली संचलनालय अर्थात ‘ईडी’च्या ताब्यात असलेले शिवसेना नेते संजय राऊत यांचा मुक्काम सध्या मुंबईच्या आर्थर रोड तुरुंगात आहे. गेल्या सुनावणीवेळी न्यायालयाने त्यांना १४ दिवसांची कोठडी सुनावली होती. त्यानंतर संजय राऊत (Sanjay Raut) यांना दक्षिण मुंबईतील ईडीच्या कार्यालयातून आर्थर रोड तुरुंगात नेण्यात आले होते. तेव्हापासून संजय राऊत यांच्याबाबत कोणतीही माहिती समोर आली नव्हती. एरवी संजय राऊत हे दररोज सकाळी पत्रकारपरिषदा घेत असत. त्यामुळे संजय राऊत यांना कायम प्रसारमाध्यमांचा गराडा पडलेला असायचा. मात्र, गेल्या काही दिवसांमध्ये संजय राऊत पहिल्यांदाच माध्यमांपासून इतके दिवस दूर असतील. (How Sanjay Raut spend whole day in Arthur Road jail)
संजय राऊतांना भेटायला सेना आमदार, खासदार गेले; तुरुंग अधिकाऱ्यांनी कायदा सांगितला
त्यामुळे संजय राऊत यांचा आर्थर रोड तुरुंगातील मुक्काम नेमका कसा आहे, ते तिकडे नक्की काय करत आहेत, याबद्दल अनेकांना उत्सुकता होती. या पार्श्वभूमीवर आता संजय राऊत यांच्या आर्थर रोड तुरुंगातील दिनक्रमाची माहिती समोर आली आहे. संजय राऊत यांचा कैदी क्रमांक ८९५९ आहे. सुरक्षेच्या कारणास्तव संजय राऊत यांना तुरुंगात इतर कैद्यांपासून वेगळे ठेवण्यात आले आहे. राऊत सध्या स्वतंत्र बराकीत आहेत. राऊत या कारागृहात वेळ मिळाल्यावर ग्रंथालयात वाचन करतात, सध्या सुरु असलेल्या राजकीय घडामोंडीवरील बातम्यांवर त्यांचे लक्ष असते. कारागृहात त्यांचे लेखन सुरु आहे. त्यांना लेखनासाठी वही, पेन व अन्य साहित्य पुरविण्यात आले आहे. न्यायालयाने संजय राऊत यांना घरचे जेवण आणि औषधे देण्यास परवानगी दिली होती.

आर्थर रोड कारागृहात मोजक्याच लोकांना संजय राऊत यांना भेटण्याची परवानगी आहे. काही दिवसांपूर्वी संजय राऊत यांनी भेटायला त्यांचे बंधू सुनील राऊत आर्थर रोड कारागृहात गेले होते. त्यावेळी संजय राऊत यांना तुरुंग अधिकाऱ्यांच्या केबिनमध्ये भेटून द्यावे, अशी मागणी सुनील राऊत यांनी केली होती. मात्र, तुरुंग अधिकाऱ्यांनी तशी परवानगी नाकारली होती.
Sanjay Raut: संजय राऊतांनी कोठडीत बसून ‘सामना’त लेख लिहले; ED अधिकाऱ्यांकडून चौकशी होणार
संजय राऊतांची कोठडी १० बाय १० आकाराची

विशेष कैदी असल्यामुळे राऊतांनाही सामान्य बराकीऐवजी १० बाय १० आकाराच्या स्वतंत्र खोलीमध्ये ठेवण्यात आले आहे. या खोलीमध्ये पंखा, स्वतंत्र स्वच्छतागृहाची व्यवस्था आहे. या बरकीत संजय राऊत यांच्याशिवाय इतर कोणता कैदी नाही. नवाब मलिक आणि अनिल देशमुख यांचा मुक्कामही सध्या आर्थर रोड तुरुंगात आहे.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : Marathi News from Maharashtra Times, TIL Network

LEAVE A REPLY

Please enter your comment!
Please enter your name here