vinayak mete maratha reservation, अखेरच्या क्षणापर्यंत समाजासाठी लढा; मराठा क्रांती मोर्चाच्या बैठकीला जातानाच मेटेंवर काळाचा घाला – vinayak mete death car accident news he was going to a meeting of the maratha kranti morcha in mumbai
नवी मुंबई : शिवसंग्राम संघटनेचे नेते व माजी आमदार विनायक मेटे यांच्या कारला ट्रकची धडक बसल्याने अपघात झाला असून या अपघातात मेटे यांचं निधन झालं आहे. भीषण अपघातात मेटे यांना गंभीर दुखापत झाली होती. त्यानंतर रुग्णालयात उपचार सुरू असतानाच मेटे यांचा मृत्यू झाला. या अपघातात त्यांचे इतर दोन सहकारीही जखमी झाले आहेत. अपघाताची माहिती मिळताच भाजप नेते आणि राज्याचे उपमुख्यमंत्री देवेंद्र फडणवीस आणि प्रविण दरेकर यांच्यासह अनेक नेते पनवेलला दाखल झाले आहेत.
महामार्ग पोलिसांनी दिलेल्या माहितीनुसार, विनायक मेटे हे त्यांच्या कारने पुण्याहून मुंबईला मराठा आरक्षणासंदर्भातील बैठकीसाठी जात होते. यावेळी त्यांच्या कारची एका ट्रकला जोरात धडक बसल्याने हा अपघात झाला. या अपघातात मेटे यांच्या हाता-पायासह डोक्याला गंभीर दुखापत झाली होती. या घटनेची माहिती मिळताच पळस्पे महामार्ग पोलीस, देवदूत आपत्कालीन पथक व आयआरबीच्या कर्मचाऱ्यांनी घटनास्थळी धाव घेत मेटे व त्यांच्या सहकाऱ्यांना उपचारासाठी पनवेलमधील एमजीएम रुग्णालयात दाखल करण्यात केले. मात्र गंभीर जखमी झालेल्या विनायक मेटे यांचा उपचारादरम्यान मृत्यू झाला आहे. विनायक मेटे यांच्या निधनामुळं मोठा धक्का, समाजाची मोठी हानी, संभाजीराजे छत्रपतींची भावना
अखेरच्या क्षणापर्यंत समाजासाठी लढा….
विनायक मेटे हे गेल्या अनेक वर्षांपासून मराठा समाजाच्या आरक्षणासह विविध मागण्यांसाठी लढा देत होते. शासनदरबारीही ते या प्रश्नांचा पाठपुरावा करत असत. मुख्यमंत्री एकनाथ शिंदे यांनी आज मुंबईत मराठा क्रांती मोर्चाची बैठक बोलावली होती. त्याच बैठकीला हजेरी लावण्यासाठी मेटे हे बीडहून मुंबईकडे येत होते.
खरंतर विनायक मेटे हे आज बीडमध्ये एका मोठ्या कार्यक्रमाला हजेरी लावणार होते. मात्र असं असतानाही समाजाच्या प्रश्नाला न्याय मिळवून देण्यासाठी आपली उपस्थिती महत्त्वाची आहे, या भूमिकेतून त्यांनी बीडमधला कार्यक्रम सोडला आणि मुंबईच्या दिशेने रवाना झाले. मात्र वाटेतच त्यांच्यावर काळाने घाला घातला आहे. मेटे यांच्या निधनाने राज्यभरात हळहळ व्यक्त केली जात असून विविध क्षेत्रातील दिग्गजांनी दु:ख व्यक्त केलं आहे.
विनायक मेटे यांच्या निधनामुळं मोठा धक्का, समाजाची मोठी हानी, संभाजीराजे छत्रपतींची भावना
‘राज्यपालनियुक्त’साठी लवकरच १२ नवे चेहरे; शिंदे सरकार राज्यपालांना देणार नव्याने यादी
