धुळे शहरातील गल्ली क्रमांक सहा मध्ये नवभारत चौकात राहणारे राजू वाघारे आणि मनमाड जिन मधील रहिवासी आणि शिवसेनेचे नेते तथा माजी उपमहानगर प्रमुख बबन थोरात यांचे लहान बंधू किशोर थोरात हे दोघेही हनुमान भक्त असून ते श्रावण मासामध्ये धुळे तालुक्यातील आर्वी शिवारात असलेल्या रोकडोबा हनुमान मंदिरात पायी दर्शनासाठी जात होते. नेहमीप्रमाणे आज देखील ते मंदिरात दर्शनासाठी जात असताना धुळ्याकडून मालेगाव कडे भरधाव वेगाने जाणाऱ्या एका ट्रकने त्यांना पाठीमागून धडक देऊन चिरडले.
मेटेंचा आवाज मराठा समाजाला न्याय मिळवून देईल असं नेहमी वाटायचं, उद्धव ठाकरे भावुक
हा अपघात अवधान शिवारातील वासवा टायर जवळ घडला. या अपघातानंतर ट्रक चालकाने भरधाव वेगाने ट्रक मालेगावच्या दिशेने पळवून नेला. दरम्यान अपघात झाल्याची माहिती मिळाल्यानंतर धुळे टोल नाक्यावरील रुग्णवाहिकेने राजू वाघारे आणि किशोर थोरात या दोघांना हिरे वैद्यकीय महाविद्यालयात उपचारासाठी हलवण्यात आले. मात्र, उपचारापूर्वीच राजू वाघारे यांचा मृत्यू झाल्याचे वैद्यकीय अधिकाऱ्यांनी सांगितले. तर खाजगी रुग्णालयात उपचारासाठी हलवलेल्या किशोर थोरात यांचा देखील मृत्यू झाल्याची धक्कादायक घटना घडली आहे.
दरम्यान, या अपघाताची माहिती पोलीस पथकाला मिळाल्यानंतर त्यांनी तातडीने महामार्ग पथकाला ही माहिती कळवली. त्यानुसार मालेगाव शिवारातून महामार्ग पथकाने MP 09 AH 9361 क्रमांकाचा ट्रक ताब्यात घेतला आहे. याप्रकरणी सदोष मनुष्यवधाचा गुन्हा दाखल करण्यात आल्याची प्राथमिक माहिती आहे.
स्विफ्ट आणि आयशर टेम्पोचा भीषण अपघात; कारचा चक्काचूर, ६ जणांचा जागीच मृत्यू
