radhakrishna vikhe patil, थोरातांच्या काळातील महसूल खात्याच्या कारभाराची चौकशी; विखे-पाटलांचा महत्त्वाचा इशारा – radhakrishna vikhe patil talk about probe of revenue department decisions in balasaheb thorat tenure

अमृतमहोत्सवी स्वातंत्र्यदिनानिमित्त राधाकृष्ण विखे पाटील यांच्या हस्ते अहमदनगरच्या पोलीस परेड ग्राउंडवर ध्वजारोहण करण्यात आले. यानंतर त्यांनी प्रसारमाध्यमांशी संवाद साधताना विनायक मेटे यांच्या निधनाबद्दल शोक व्यक्त केला. विनायक मेटे यांच्या निधनाने मराठा समाजाचे कधी न भरून येणार नुकसान झाले आहे. एक उमदे नेतृत्व हरवले आहे. अरबी समुद्रात छत्रपती शिवाजी महाराजांचे स्मारक हे त्यांचे स्वप्न अधुरंच राहिलं. मराठा समाजासाठी नेहमीच अग्रेसर असलेल्या विनायक मेटे यांना अहमदनगर जिल्ह्याच्यावतीने विखे-पाटील यांनी श्रद्धांजली वाहिली.
दुय्यम खाते मिळाल्याने मुख्यमंत्री शिंदेंवर नाराजी? खातेवाटपानंतर दादा भुसे यांची पहिली प्रतिक्रिया

बिनखात्याचे मंत्री! बाळासाहेब थोरातांची खोचक टीका

शिंदे-फडणवीस सरकारने राधाकृष्ण विखे-पाटील यांना फक्त मंत्रिपद मिळाले होते, तेव्हा त्यांना शाब्दिक चिमटा काढला होता. बाळासाहेब थोरात यांनी विखे-पाटलांना बिनखात्याचे मंत्री म्हणून हिणवले होते. त्याला विखे-पाटलांनी चोख प्रत्युत्तर दिले होते. महाविकास आघाडी सरकारमध्ये नगर जिल्ह्यात तीन मंत्री असताना त्यांनी कोणता प्रकल्प जिल्ह्यात आणला? केवळ वाळू उपसायची, हा एकच उद्योग नगर जिल्ह्यात सुरू होता. आता सत्ता गेल्याने जलबिना मछली अशी अवस्था झाल्याने ते तडफडत आहेत. आपल्या जिल्ह्यातील एक वरिष्ठ मंत्री होते, ते आमच्यावर बिनखात्याचे मंत्री झेंडावंदन करणार असल्याची टीका करत आहेत. मात्र त्यांनी आमची चिंता करू नये. ज्यावेळी खातेवाटप होईल त्यावेळी तुमची काय अवस्था होईल याचा पहिल्यांदा विचार करा, अशा शब्दांत विखे-पाटील यांनी थोरांतावर निशाणा साधला होता.