st bus accident, एसटीची रिक्षाला धडक, चालकाचा ताबा सुटला; बस धरणाच्या पाण्यात जाणार तितक्यात… – in ratnagiri st bus stuck in tree after colliding with auto all passengers survives

लांजा बस स्थानकातून दुपारी १ वाजता ही बस विद्यार्थी आणि इतर प्रवाशांना घेऊन निघाली. स्वातंत्र्य दिनानिमित्त झेंडावंदन आटोपून जवळजवळ २५ ते ३० विद्यार्थी बसने (एमएच १४ बीटी ३००५) निघाले. बसमध्ये काही अन्य प्रवासीही होते. दुपारी १.३० वाजण्याच्यादरम्यान बेनी येथे बसची रिक्षाला (एमएच ०८ के २५६५ ) धडक बसली. त्यामुळे एसटी चालकाचा बसवरील ताबा सुटला आणि बस साईटपट्टी सोडून शेजारी असलेल्या झाडाला अडकून थांबली. बस झाडाला अडकून थांबली नसती तर थेट धरणाच्या पाण्यात गेली असती व मोठा अनर्थ ओढवण्याचा धोका होता. बस थांबल्यानंतर सर्व विद्यार्थी व प्रवाशांना सुरक्षित बाहेर काढण्यात आले.