मुंबई पोलिसांचा गुजरातच्या कारखान्यात छापा; एक हजार कोटींचे एमडी ड्रग्ज हस्तगत
खातेवाटपात भाजप नेते सुधीर मुनगंटीवार आणि चंद्रकांत पाटील यांना दुय्यम खाती देण्यात आल्याचं बोललं जात आहे. हाच धागा पकडत शिवसेनेनं भाजपलाही फटकारलं आहे. ‘गृह, अर्थ, महसूल, सार्वजनिक बांधकाम, वने, पर्यावरण, वैद्यकीय शिक्षण, विधी व न्याय अशी महत्त्वाची खाती भाजपने खिशात घातली. यात आश्चर्य ते काय? अख्खा शिंदे गटच त्यांनी विकत घेऊन, धाकात ठेवून खिशात घातला तेथे खात्यांचे काय? नगरविकास हे मुख्यमंत्र्यांचे ‘खाते-पिते’ आवडते खाते सोडले तर शिंदे गटाच्या नशिबी दुष्काळच आहे. नगरविकास हे खाते मुख्यमंत्री स्वतःकडे ठेवतात. पण उद्धव ठाकरे यांनी ते शिंदे यांना विश्वासाने बहाल केले होते. साधारणतः मुख्यमंत्र्यांकडे सार्वजनिक प्रशासन, विधी व न्याय अशी खाती असतात. न्याय व्यवस्था भाजपने आपल्या मुठीत ठेवली. चंद्रकांत पाटील, सुधीर मुनगंटीवार हे खातेवाटपाच्या धक्क्यातून सावरले आहेत काय, ते विधानसभेत दिसेल. या दोघांची अवस्था केविलवाणी झाली आहे,’ अशी टीका ‘सामना’तून करण्यात आली आहे.
पंचाहत्तरी पूर्ण केलेल्या ज्येष्ठांना मोफत एसटी प्रवास, तर गोविंदांना विमा कवच; मुख्यमंत्र्यांची घोषणादरम्यान, विधिमंडळाच्या अधिवेशनात अनेक चेहरे उघडे पडतील व मुखवटे गळून पडतील. चेहऱ्यांवर खोटे हसू आणून या दुःखी लोकांना समोर यावे लागेल. विधानसभेत अजितदादा पवार व विधान परिषदेत अंबादास दानवे हे विरोधी पक्षनेते पदावर विराजमान झाले आहेत व ते या गटातटाच्या सरकारची कोंबडी सोलून काढतील, असा विश्वासही शिवसेनेनं व्यक्त केला आहे.
