पुण्यात भीषण अपघात; पाच जणांचा जागेवर मृत्यू , तीन लहान मुलांचा समावेश
रात्री साडेआठ वाजताच्या दरम्यान सुमारे सात ते आठ अज्ञात तरुण याठिकाणी शिवीगाळ करत घरात घुसले. त्यानंतर घराच्या बेडरूममध्ये जाऊन कपडे, प्रापंचिक साहित्य गोळा करत पेटवून दिले. तसेच घरातील एका महिलेला देखील मारहाण केली. या मारहाणीत जखमी झालेल्या महिलेला उपचारासाठी सीपीआर रुग्णालयात नेण्यात आले.
मोठी बातमी : गोंदियाजवळ रेल्वे गाडीला भीषण अपघात; ५० पेक्षा अधिक प्रवासी जखमी
दरम्यान, या घटनेची माहिती कळताच पोलीस उपाधीक्षकांसह पोलीस पथक घटनास्थळी दाखल झाले. काल मंगळवारी दिवसभर या परिसरात प्रचंड तणाव निर्माण झाला होता. सर्व प्रकारची माहिती घेत पोलिसांकडून संशयित राजू बोडके (रा. लक्षतीर्थ वसाहत), उमेश कोळपाटे, विश्वजित फाले (बोंद्रेनगर, रिंग रोड) यांच्यासह सात जणांविरुद्ध करवीर ठाण्यात गुन्हा दाखल करण्यात आला आहे.
घरातील वस्तूंची तोडफोड
प्राणघातक हल्ल्याप्रकरणी नितीन वरेकर हा कळंबा कारागृहात शिक्षा भोगत आहे, तर त्याचे कुटुंब शिंगणापूर येथे राहते. बोडके यांच्या कार्यकर्त्यांनी मागील वेळी घरात घुसून आलिशान कारची जाळपोळ करत घरातील सर्व साहित्याची तोडफोड केली होती. तर अनेक वेळा घरात येऊन घरातील महिलांना जीवे मारण्याची धमकी त्यांच्या कार्यकर्त्याकडून दिली जात असल्याची तक्रार फिर्यादींनी पोलिसांकडे दिली आहे.
