Husband murdered wife, धक्कादायक! अखेर पत्नी, ५ महिन्यांच्या मुलाच्या हत्येचा उलगडा झाला, अंधोळीचा बहाणा करून पतीने… – the investigation has revealed the fact that it was the husband who murdered his wife and son in shirur

पुणे : शिरूर तालुक्यातील अण्णापूर येथे आठ दिवसांपूर्वी विहिरीत महिला व तीच्या पाच महिन्याच्या मुलाचा मृतदेह सापडल्याची घटना घडली होती. त्या घटनेचा उलगडा करण्यात शिरूर पोलिसांना यश आले आहे. या दोन्हीही हत्या पतीनेच केल्या असल्याचे समोर आले आहे. पतीने पत्नी आणि मुलाला विहिरीत ढकलून दिले होते. त्यात त्यांचा मृत्यू झाला होता. योगेश संभाजी कुऱ्हाडे (वय २२ वर्षे) याला अटक करण्यात आली असून त्याच्यावर खुनाचा गुन्हा नोंदवण्यात आला आहे. ( It was the husband who murdered his wife and son in Shirur)

याबाबत पोलीसांनी दिलेली महिती अशी की, मूळचे पैठण येथील असणारे कुऱ्हाडे दांपत्य गेल्या वर्षभरापासून कवठे येमाई (ता. शिरूर) येथे वास्तव्यास होते. योगेश हा विहीर खोदाईचे काम करत होता. योगेश हा पत्नीच्या चारित्र्यावर वेळोवेळी संशय घेत असे. त्यावरून त्यांच्यात अनेकदा वादही होत होते. रविवारी (दि.7 रोजी) मला अंघोळ करायची आहे असा बहाणा करून योगेश याने पत्नीला अण्णापूर जवळ येथील निर्जंस्थळी घेऊन गेला. तेथे त्यांच्यात पुन्हा जोरात वाद झाले. रागाच्या भरात योगेशने पत्नी आणि त्याच्या मुलाला विहिरीत ढकलून दिले आणि तो घटनास्थळावरून फरार झाला. यात पत्नी आणि मुलाचा बुडून मृत्यू झाला.

Jyoti Mete : विनायक मेटेंच्या पत्नी ज्योती मेटे विधान परिषदेवर?
रूपाली योगेश कुऱ्हाडे (वय २०) व मुलगा कार्तिक (वय पाच महिने) यांच्या खूनाचा गुन्हा आज शिरूर पोलिस ठाण्यात नोंदविण्यात आला. मृत रूपाली यांचे वडील बंडू शामराव खवले (रा. गुळज, ता. गेवराई, जि. बीड) यांनी फिर्याद दिली. गेल्या सोमवारी (ता. ८) अण्णापूर जवळील येवले माथा परिसरातील कुंडलिक तुकाराम येवले यांच्या उसाच्या शेतातील एका विहिरीतील पाण्यात मायलेकरांचा मृतदेह आढळून आल्यानंतर परिसरात खळबळ उडाली होती.

मोफत प्रवासासह महिलांना साड्यांचे वाटप; येरवड्यात रिक्षाचालकाचा उपक्रम
ही विहीर घनदाट झाडीत, उसाच्या शेताजवळ, निर्जनस्थळी असल्याने आणि महत्वाचे म्हणजे कुणीही प्रत्यक्ष साक्षीदार नसल्याने घटनेचे धागेदोरे शोधणे हे पोलिसांसमोर आव्हान निर्माण झाले होते. महिला व मुलाच्या अंगावर कुठलेही व्रण नसल्याने सुरुवातीला हा आत्महत्येचा प्रकार असावा, असा अंदाज पोलिसांकडून व्यक्त करण्यात आला होता. मात्र, मृत महिलेच्या अंगावरील साडी जवळच्याच उसाच्या शेतात आढळून आल्याने पोलिसांचा घातपाताचा संशय बळावला. त्यातच आठवडा उलटूनही महिला व मुलाची ओळख पटत नसल्याने पोलिस दलही चक्रावून गेले होते.

डेक्कन जिमखान्यापर्यंत ‘मेट्रो’ची धाव; पिंपरीतही फुगेवाडी ते दापोडी दरम्यान ‘ट्रायल रन’
या परिसरातील अनेकांनी सोशल मिडीयावर मृतदेहांचे फोटो व्हायरल केले होते. त्यातून एका कामगाराकडून प्रथम मृतांची ओळख पटल्याने पोलिसांनी तपासावर लक्ष केंद्रीत केले. मृत महिलेच्या पतीबाबत माहिती मिळाल्यानंतर पोलिसांनी योगेश कुऱ्हाडे याला सोनेसांगवी येथून ताब्यात घेतले. तेथील एका कामगार मित्राच्या घरी तो लपून बसला होता. योगेश कुऱ्हाडे याने पोलिसांकडे या खूनाची कबूली दिली आहे.