Vinayak Mete Death : विनायक मेटेंच्या अपघाताची CID चौकशी, मुख्यमंत्री शिंदेंचे आदेश
याबाबत रांजणगाव पोलीस स्टेशनचे वरिष्ठ पोलीस निरीक्षक भगवंत मांडगे यांनी दिलेल्या माहितीनुसार, रांजणगाव पोलिसांनी ती गाडी ताब्यात घेतली आहे. तसेच गाडीचे मालक आणि चालक असलेले संदीप विर याला ताब्यात घेतले असून त्यांची चौकशी सुरू आहे. कारमधील ६ जणांपैकी एकाचा वाढदिवस असल्याने ते शिरूरला गेले होते. त्यांचे नातेवाईकदेखील शिरूरमध्ये आले होते, अशी माहिती चौकशीमधून समोर आली आहे. ३ ऑगस्ट रोजी मेटे यांच्या कारचा पाठलाग करण्यात आला होता.
या संदर्भात संवाद साधतानाची क्लिप व्हायरल झाली होती. त्यानुसार पोलिसांनी चौकशी सुरू केली असून ती पाठलाग करणारी कार ताब्यात घेण्यात आली आहे. विनायक मेटे यांच्या मृत्यूची मुख्यमंत्री एकनाथ शिंदे यांनी सीआयडी चौकशी करण्याचे आदेश दिले आहेत. मेटे यांच्या पत्नीनेदेखील याबाबत शंका व्यक्त केली होती. अधिक तपास पोलिसांकडून सुरू आहे.
