शिंदे सरकारचा आणखी एक मोठा निर्णय; आदित्य ठाकरेंच्या मर्जीतील अधिकाऱ्याची दुसऱ्यांदा बदली
भाजपसह राष्ट्रीय स्वयंसेवक संघावरही निशाणा
शिवसेनेकडून गेल्या काही वर्षांपासून राष्ट्रीय स्वयंसेवक संघ अर्थात आरएसएसच्या स्वातंत्र्य चळवळीतील योगदानाबाबत वारंवार प्रश्नचिन्ह उपस्थित करण्यात येत आहे. पंतप्रधान मोदी यांच्यावर निशाणा साधताना आता पुन्हा एकदा अप्रत्यक्षपणे शिवसेनेनं आरएसएसलाही टोला लगावला आहे. ‘पंतप्रधानांपासून भाजपच्या आजच्या पिढीपर्यंत एकही जण स्वातंत्र्य आंदोलनात नव्हता. हे सत्य पंतप्रधान मोदी यांनीच लाल किल्ल्यावरून मान्य केले. स्वातंत्र्यानंतर जन्मास आलेला मी पंतप्रधान असल्याचे ते म्हणतात. मग तुम्ही स्वातंत्र्याचा इतिहास का बदलत आहात? भारतीय जनता पक्षाला हा अधिकार दिला कोणी? ‘घर घर तिरंगा’ वगैरे राजकीय मोहिमा ठीक आहेत, पण देशाला स्वातंत्र्य मिळाले तेव्हा आपल्या कार्यालयांवर व घरांवर तिरंगा फडकविण्यास नकार देणारे आज ‘घर घर तिरंग्या’च्या मोहिमा राबवताना दिसले. हे आश्चर्यच नाही काय?’ असा खोचक सवाल शिवसेनेनं विचारला आहे.
शिवसेनेचे विधानभवनातील कार्यालय कायम, शिंदे गटाला सातव्या मजल्यावर कार्यालय; चर्चेला उधाण
घराणेच्या टीकेला प्रत्युत्तर
पंतप्रधान नरेंद्र मोदी यांनी लाल किल्ल्यावरील आपल्या भाषणात घराणेशाहीच्या मुद्द्यावरून विरोधी पक्षांवर टीका केली होती. या टीकेला उत्तर देताना शिवसेनेनं म्हटलं आहे की, कोणत्या घराणेशाहीची बात आपण करता? ठाकऱ्यांच्या घराणेशाहीवर कालपर्यंत तुमच्या सत्तेचा डोलारा उभा होता. ओडिशात नवीन पटनायक, आंध्रात जगन मोहन रेड्डी आणि कालपर्यंत बिहारचे पासवान, अशा अनेक घराणेशाह्यांनी तुमच्या सत्तेच्या तंबूस टेकू दिले व तुम्ही घेतले, पण सध्याच्या केंद्र सरकारला विस्मृतीचा झटका आला आहे. अगदी महाराष्ट्रात विखे-पाटलांची घराणेशाही सध्या महसुलाची आमसुले चोखत बसली आहेच. बाकी यादी द्यायचीच तर ती लांबतच जाईल व तुमचेच पंचप्राण कंठाशी येतील. मोतीलाल नेहरू, पंडित नेहरू, इंदिरा गांधी अशी स्वातंत्र्यसमरातील घराणेशाही तुमच्याकडे असेल तर दाखवा. प्रबोधनकार ठाकरे, बाळासाहेब ठाकरे अशी महाराष्ट्र स्वाभिमानाची तरी घराणेशाही तुम्ही दाखवू शकता काय?’ असं म्हणत ‘सामना’तून नरेंद्र मोदींवर पलटवार करण्यात आला आहे.
