घरभाडे भत्ता लागू करण्यासाठी शाळेतील शिपाईकडून १ हजार २५० रुपयांची लाच घेताना शहरातील एका शाळेचे मुख्याध्यापक व उपशिक्षिका यांना लाचलुचपत प्रतिबंधक विभागाने रंगेहात पकडले. एसीबी पथकाने बुधवारी (दि.१७) ही कारवाई केली.

 

bribe
म. टा. वृत्तसेवा, मालेगावः घरभाडे भत्ता लागू करण्यासाठी शाळेतील शिपाईकडून १ हजार २५० रुपयांची लाच घेताना शहरातील एका शाळेचे मुख्याध्यापक व उपशिक्षिका यांना लाचलुचपत प्रतिबंधक विभागाने रंगेहात पकडले. एसीबी पथकाने बुधवारी (दि.१७) ही कारवाई केली.

शहरातील सर्वोदय शिक्षण संस्था संचलित जागृती माध्यमिक विद्यालयात कार्यरत तक्रारदार शिपाई यांच्याकडून शाळा महापालिका हद्दीत गेल्याने पगारात वाढ होऊन घरभाडे भत्ता लागू करण्यासाठी मुख्याध्यापक राहुल प्रकाश मोरणकर व उपशिक्षिका मनीषा सुदाम चव्हाण यांनी १ हजार २५० रुपयांची लाचेची मागणी केली होती. याविषयी तक्रारदार यांनी एसीबीकडे तक्रार केली होती. या तक्रारीनुसार नाशिक पथकाने सापळा रचून कारवाई केली.

मुख्याध्यापक कक्षात बुधवारी लाच स्वीकारताना मुख्याध्यापक व उपशिक्षिका यांना पथकाने रंगेहात पकडले. त्यांच्याविरुद्ध भ्रष्टाचार प्रतिबंध अधिनियम सन १९८८ चे कलम ७ प्रमाणे गुन्हा नोंदविण्याची पुढील कार्यवाही सुरू आहे.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : Marathi News from Maharashtra Times, TIL Network

LEAVE A REPLY

Please enter your comment!
Please enter your name here