Balasaheb Chavan Vinayak Mete | मी आणि शिवसंग्रामचे प्रवक्ते तुषार काकडे हे गांधी मेमोरियल हॉस्पिटलच्या दिशेने निघालो होतो. तेव्हा मी माझ्या परिचयातील एका व्यक्तीला फोन केला. त्याने मला सांगितलं, की ड्रायव्हर आणि सुरक्षारक्षक यांना काहीही झालं नाही, मात्र विनायक मेटे यांनी जागी प्राण सोडला आहे. हे समजल्यानंतर मी ड्रायव्हर एकनाथ कदम यांना फोन केला होता.
हायलाइट्स:
- चालक एकनाथ कदम याची कसून चौकशी केली जात आहे
- चौकशीत तो सतत जबाब बदलत असल्याची माहिती
- चालकाच्या भूमिकेमुळे संशय वाढला
मेटे यांचा अपघात झाल्यानंतर ड्रायव्हर एकनाथ कदम यांनी फोनवर चुकीची माहिती दिली. ज्या दिवशी विनायक मेटे यांचा अपघात झाला होता, त्या वेळेस मी आणि शिवसंग्रामचे प्रवक्ते तुषार काकडे हे गांधी मेमोरियल हॉस्पिटलच्या दिशेने निघालो होतो. तेव्हा मी माझ्या परिचयातील एका व्यक्तीला फोन केला. त्याने मला सांगितलं, की ड्रायव्हर आणि सुरक्षारक्षक यांना काहीही झालं नाही, मात्र विनायक मेटे यांनी जागी प्राण सोडला आहे. हे समजल्यानंतर मी ड्रायव्हर एकनाथ कदम यांना फोन केला होता. ते बोलले की साहेब बरे आहेत, साहेबांना काही झालं नाही, मी २० मिनिटं साहेबांसोबत बोलतोय, ते व्यवस्थित आहेत, अशी माहिती ड्रायव्हर एकनाथ कदम यांनी दिली. मात्र, मी विनायक मेटे यांना संपर्क करण्याचा प्रयत्न केला, पण त्यांनी फोन उचलला नाही, त्यामुळे ड्रायव्हर एकनाथ कदम यांच्या बोलण्याबाबत काय समजायचे? असा सवाल बाळासाहेब चव्हाण यांनी उपस्थित केला.
Vinayak Mete: त्या रात्री विनायक मेटेंच्या गाडीचा पाठलाग झाला का? गाडीचा मालक म्हणाला…पोलिसांकडून सध्या चालक एकनाथ कदम याची कसून चौकशी केली जात आहे. मात्र, चौकशीत तो सतत जबाब बदलत असल्याची माहिती समोर आली होती. त्यामुळे विनायक मेटे यांच्या गाडीला धडक देणाऱ्या ट्रक चालकाला समोर बसवून या दोघांची चौकशी केली जाणार होती. परंतु, या चौकशीबाबत अद्याप कोणतीही माहिती समोर आलेली नाही. विनायक मेटे यांच्या पत्नी ज्योती मेटे यांनी या सगळ्याबाबत संशय व्यक्त केला होता. त्यानंतर मुख्यमंत्री एकनाथ शिंदे यांनी याप्रकरणाची चौकशी सीआयडीकडे देण्यासंदर्भात सूतोवाच केले होते.
Vinayak Mete: विनायक मेटेंचा घात की अपघात? संशय का वाढला, मेटेंच्या पत्नीकडून महत्त्वाचा खुलासा
विनायक मेटे यांचा चेहरा खूपच पांढरा पडला होता: ज्योती मेटे
काही दिवसांपूर्वीच विनायक मेटे यांच्या पत्नी ज्योती मेटे यांनी प्रसारमाध्यमांशी संवाद साधला होता. तेव्हा ज्योती मेटे यांनी अनेक संशयास्पद बाबींचा उल्लेख केला होता. अपघात झाल्याचे कळताच मी पाऊण तासात मुंबईतून कामोठे रुग्णालयात पोहोचले. मी स्वत: डॉक्टर आहे. वैद्यकीय निकषांप्रमाणे, एखाद्या व्यक्तीचा मृत्यू झाल्यानंतर त्याचा चेहरा लगेच पांढारफटक पडत नाही. विनायक मेटे यांना कामोठे रुग्णालयात आणण्यात आले तेव्हा त्यांच्या कानातून आणि नाकातून रक्त वाहत होते. तेव्हाच मी माझ्या भावाला म्हणाले की, ही घटना पाऊण तासापूर्वी घडलेली नाही. हा अपघात होऊन किमान दोन तास झाले असतील. तेव्हा आमच्यापासून काहीतरी लपवले जात आहे, असे वाटत होते. कदाचित तसे नसेल. आता शवविच्छेदन अहवालात मृत्यूची नेमकी वेळ कळेलच, असे ज्योती मेटे यांनी म्हटले होते.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
