laal singh chaddha box office collection, वितरकांचे पैसे परत देणं तर सोडा पण…: ‘लाल सिंह चड्ढा’च्या निर्मात्यांनीच आमिरला तोंडावर पाडलं – producer of aamir khans laal singh chaddha deny claims that distributors seeking compensation as movie faces disaster

लाल सिंह चड्ढा प्रदर्शित झाल्यानंतर बॉक्स ऑफिसवर अवघ्या पाच दिवसांमध्ये केवळ ४८ कोटी रुपयांचा गल्ला जमला आहे. बॉक्स ऑफिवर या चित्रपटाला चांगला प्रतिसाद न मिळाल्यानं आमिर खूच निराश झालाय. चित्रपट आपटल्यानं आमिर खूपच दुःखी झाला आहे. त्यातच त्यानं चित्रपटाच्या वितरकांना त्यांचे पैसे परत करण्याचा निर्णय घेतल्याचं म्हटलं जात होतं. परंतु आता यासदंर्भात निर्मिती संस्थेकडून मोठा खुलासा करण्यात आला आहे.
दागिन्यासारखा मिरवतोय चिखल! सिनेमांनी कोट्यवधींचा गल्ला कमावूनही शेतात राबतायंत प्रवीण तरडे
त्या चर्चा खोट्या
‘लाल सिंह चड्ढा’च्या कमी कमाईमुळं चित्रपटाच्या वितरकांनी नुकसान भरपाईची मागणी केल्याचं म्हटलं जात होतं. मात्र ई टाइम्सला दिलेल्या मुलाखतीत निर्मात्यांनी काही गोष्टी स्पष्ट केल्या आहेत. वायकॉम 18 स्टुडिओचे सीईओ अजित अंधारे यांनी चित्रपट तोट्यात जात असल्याच्या चर्चांना तथ्यहीन आणि निराधार म्हटलंय.वितरकांना आमिर पैसे परत करणार असल्याच्या चर्चा खोट्या आहेत. त्यात काहीच तथ्य नाही. खरं तर चित्रपट तोट्यात नाही. आमचं नुकसान झालेलं नाही, असंही त्यांनी म्हटलंय.
पाच वर्ष घरातच ठेवलेल्या वडिलांच्या अस्थी, आयुष्याने असेही दिवस दाखवले की…
इतकंच नाही तर वितरकांचे पैसे परत करण्याचा प्रश्नच नाही, कारण या चित्रपचाच्या वितरणासाठी कोणतेही बाहेरचे वितरत नाहीत. आमच्याच कंपनीनं वितरणाची जबाबदारी स्विकारली आहे. यात आमचा तोटा झाला नाही, असंही अंधारे यांनी स्पष्ट केलं.