मिळालेल्या माहितीनुसार, या युवकाने म्हैसांग येथील पूर्णा नदी पात्राच्या पुलावरून उडी मारली असल्याची घटना घडली. उडी घेतलेल्या युवकाने आपली कार एम. एच. १५ ई. एक्स ५४३२ ही गाडी पुलाच्या बाजूला पार्क करून पूर्णा नदीत उडी घेतली. पोलिसांनी दिलेल्या माहितीनुसार, उडी घेतलेल्या युवकाचे नाव सुधीर रमेश तायडे असून वय ३५ वर्षे शास्त्री नगर येथील राहवासी आहे.
शेवटच्या क्षणी शेन वॉर्नच्या सोबत होती ही हॉट मॉडेल; कोण आहे Gina Stewart?
हा युवक नाशिक येथे खासगी कंपनीत कामाला असून दिनांक ६ ऑगस्ट रोजी अकोल्यात आला होता. मिळालेल्या माहितीनुसार, सुधीर तायडे हा काल रात्री ९ वाजता घरून निघाला त्याने घरच्या मोबाईलवर मेसेज करून आपण म्हैसांग येथील नदीत उडी घेत असल्याची माहिती दिली. घटनेची माहिती मिळताच बोरगाव मंजू पोलीस व सुधीरचे नातेवाईक यांनी काल रात्रीपासूनच घटनास्थळी गाठलं आहे. दरम्यान, सुधीरने नेमकी टोकाची भूमिका का घेतली याचा तपास अद्याप पर्यंत लागला नसून बचाव पथकला घटनास्थळी पाचारण करण्यात आलं आहे.
रायगडच्या किनाऱ्यावर सापडलेली बोट, शस्त्रास्त्रं कोणाची? समोर आली महत्त्वाची माहिती
