bike catches fire, VIDEO: ओ तुमची बाईक पेटलीय! मागून येणारे ओरडले; चालक दुचाकी टाकून पळाला अन् मग… – in parbhani running bike catches fire driver survives after people informed him

पाथरी तालुक्यातील सम्राट नगर येथील रहिवासी इंद्रजीत कांबळे त्यांच्या दुचाकीवरून सेलू येथून पाथरीकडे जात होते. पाथरी तालुक्यातील देवनांद्रा शिवारामध्ये आली असता दुचाकीने अचानक पेट घेतला. ही बाब पाठीमागून येणाऱ्या नागरिकांनी इंद्रजीत कांबळेंच्या लक्षात आणून दिली.

दुचाकीने पेट घेतल्याचे समजताच इंद्रजीत कांबळे यांनी दुचाकी रस्त्यावर फेकून देऊन बाजूला पळ काढला. त्यामुळे ते थोडक्यात बचावले. या घटनेत जीवित हानी झाली नसली तरी दुचाकीचे मोठे नुकसान झाले आहे. परिसरातील नागरिकांनी शेतातून पाणी आणून दुचाकीला लागलेली आग विझवली. घटनास्थळी नागरिकांनी मोठी गर्दी केली होती. दरम्यान मागील काही दिवसापासून परभणी जिल्ह्यामध्ये दुचाकी पेट घेण्याच्या घटना वाढल्या आहेत.