बारामती: बारामती शहरातील श्रीरामनगर येथे काल एका ४७ वर्षीय व्यक्तीची हत्या झाली होती. अल्पवयीन तरुणांनी कुऱ्हाड आणि लोखंडी सत्तुराने घाव घालत शशिकांत बाबासो कारंडे यांचा खून केला होता. या प्रकरणी पोलिसांनी तीन अल्पवयीनांना ताब्यात घेतले आहे.

गुरुवारी सायंकाळी मुलीला आणण्यासाठी गेलेल्या शशिकांत कारंडे यांच्यावर कुऱ्हाड व सत्तुराने तिघांनी वार करत त्यांचा खून केला होता. भरदिवसा घडलेल्या या घटनेनंतर बारामतीत खळबळ उडाली होती. अप्पर पोलीस अधिक्षक मिलिंद मोहिते, उपविभागीय पोलिस अधिकारी गणेश इंगळे, पोलिस निरीक्षक सुनील महाडीक यांनी तात्काळ घटनास्थळी धाव घेतली होती. त्यानंतर पोलिसांची पथके आरोपींच्या शोधासाठी रवाना करण्यात आली होती. पोलिसांनी काही तासातच आरोपींना ताब्यात घेतले.
माझ्या जीवावर मजा मारली, केस स्ट्रेटनिंग केले! प्रेयसीमुळे कर्जबाजारी तरुणाचं टोकाचं पाऊल
खून झालेल्या शशिकांत यांच्या मुलाचे यापूर्वी तिघांपैकी एका आरोपीशी भांडण झाले होते. त्यात कारंडे यांचा मुलगा गंभीर जखमी झाला होता. या प्रकरणी त्यावेळी शहर पोलीस ठाण्यात फिर्याद दाखल झाली होती. मुलीशी बोलणे व चॅटिंग करण्याच्या कारणावरून हा वाद झाला होता. प्रेमामध्ये तो अडथळा आणतो, असा समज आरोपींचा झाला होता. त्यातून त्यांनी त्याच्यावर हल्ला चढवला होता. या घटनेची दखल घेत पोलिसांनी आरोपींना अटक केली होती. परंतु ते अल्पवयीन असल्याने जामिनावर सुटले. त्यानंतर ७ ऑगस्ट रोजी खून प्रकरणातील मुख्य अल्पवयीन आरोपीने कारंडे यांच्या मुलाला उद्देशून, ‘आबाद रहे ना रहे, लेकीन कब्रस्थान उनको जरूर बनाएंगे, फिक्स बिग शॉट’, असे स्टेटसही ठेवले होते.

काल खून झालेल्या शशिकांत यांनी ७ ऑगस्टला आरोपीने ठेवलेले स्टेटस पाहिले. त्यांनी आपल्या मुलाला सावध केले होते. तो इंजिनिअरिंग कॉलेजमध्ये शिकतो. मागील प्रकरणानंतर त्याने या अल्पवयीन आरोपींशी संबंध ठेवणे बंद केले होते. शशिकांत यांनी जुने घर बदलत नवीन ठिकाणी राहायला जाणे पसंत केले होते. शिवाय भांडणे करू नका, असा वडिलकीचा सल्लाही त्यांनी दिला होता.
आता १० हजार देते, ५० नंतर; पण माझा मुलगा संपला पाहिजे! आईनंच दिली मुलाच्या हत्येची सुपारी
मुलगा हाती येत नसल्याने त्याच्या ऐवजी त्याच्या वडिलांचा काटा काढायचा, असे अल्पवयीनांनी ठरवले. काल म्हणजेच १८ ऑगस्टला रोजी मुलीला आणण्यासाठी शशिकांत कारंडे हे कवी मोरोपंत शाळेत गेले होते. यावेळी त्या परिसरात दबा धरून बसलेल्या तिघांनी कुऱ्हाड आणि सत्तुराने त्यांच्यावर वार केले. त्यांच्या तावडीतून सुटून पळून जाण्याचा शशिकांत यांनी प्रयत्न केला. परंतु आरोपींनी त्यांचा पाठलाग करत त्यांना मारले.

LEAVE A REPLY

Please enter your comment!
Please enter your name here