sex partner, पती-बॉयफ्रेण्डसोबतच इतरांशीही संबंध; ११ राज्यांतील महिलांचे एकापेक्षा जास्त सेक्स पार्टनर – women on average have more sex partners than men in 11 states and uts reveals nfhs survey

देशातील ११ राज्यं आणि केंद्रशासित प्रदेशांमध्ये पुरुषांच्या तुलनेत महिलांचे सेक्स पार्टनर अधिक आहेत. एका सर्वेक्षणात ही माहिती समोर आली आहे. आपली प्रेयसी किंवा पत्नीशिवाय अन्य महिलांसोबत शरीर संबंध प्रस्थापित करण्यात पुरुष आघाडीवर आहेत. अशा प्रकारचे संबंध ठेवणाऱ्या महिलांचं प्रमाण ०.५ टक्के आहे, तर पुरुषांचं प्रमाण ४ टक्के इतकं आहे.

नॅशनल फॅमिली हेल्थ सर्व्हेमध्ये १.१ लाख महिला आणि पुरुषांचा समावेश होता. काही राज्यं आणि केंद्रशासित प्रदेशांमध्ये पुरुषांच्या तुलनेत महिलांचे सेक्स पार्टनर अधिक असल्याचं या सर्वेक्षणातील माहितीवरून उघडकीस आलं. राजस्थान, हरियाणा, चंदिगढ, जम्मू आणि काश्मीर, लडाख, मध्य प्रदेश, आसाम, केरळ, लक्ष्यद्वीप, पुद्दुचेरी आणि तमिळनाडू पुरुषांच्या तुलनेच महिलांच्या सेक्स पार्टनरची संख्या अधिक आहे.
तिकीट बुक करताना तुम्ही आम्ही दिलेला डेटा रेल्वे विकणार? तब्बल इतक्या कोटींचा प्लान तयार
महिलांच्या सेक्स पार्टनरची संख्या पुरुषांच्या तुलनेत अधिक असणाऱ्या राज्यं आणि केंद्रशासित प्रदेशांच्या यादीवर नजर टाकल्यास राजस्थानचा क्रमांक वरचा आहे. या ठिकाणी प्रेयसी किंवा पत्नीशिवाय अन्य महिलांशी संबंध ठेवणाऱ्या पुरुषांचं प्रमाण १.८ टक्के आहे. तर प्रियकर किंवा पतीच्या व्यतिरिक्त इतर पुरुषांशी शरीर संबंध ठेवणाऱ्या महिलांचं प्रमाण ३.१ टक्के इतकं आहे.
१३०० किमी पायपीट, २५ दिवस, ८ रुग्णालयं; कुटुंबाची धडपड व्यर्थ, ९ वर्षांच्या मुलाचा मृत्यू
गेल्या १२ महिन्यांत आपल्या पत्नी आणि प्रेयसी व्यतिरिक्त इतर महिलांशी संबंध ठेवलेल्या पुरुषांचं प्रमाण महिलांपेक्षा अधिक आहे. पुरुषांचं प्रमाण ४ टक्के इतकं असून महिलांचं प्रमाण ०.५ टक्के आहे. २०१९ ते २०२१ च्या दरम्यान राष्ट्रीय कुटुंब आरोग्य सर्वेक्षण करण्यात आलं. २८ राज्यं आणि ७ केंद्रशासित प्रदेशांमध्ये सर्वेक्षण करण्यात आलं. ७०७ जिल्ह्यांमध्ये हे सर्वेक्षण करण्यात आलं होतं.