शिंदे सरकारकडून एकनाथ खडसे यांना मोठा धक्का; पत्नी मंदाताई खडसे यांच्या अडचणीत वाढ
‘राज्य सरकारच्या या निर्णयाला विरोध नाही, मात्र कुठलाही निर्णय व्यापक विचारांतीच घ्यायला हवा. एवढ्याच सुपर फास्ट गतीने निर्णय घ्यायचे असतील तर खेळाडूंच्या नियुक्त्या, नोकरभरती यासंदर्भातील निर्णय घ्यावेत. पण युवकांच्या भविष्याशी निगडित विषयांबाबत राजकारण होऊ नये, ही अपेक्षा,’ असं म्हणत रोहित पवार यांनी एकनाथ शिंदे यांच्या निर्णयावर टीका केली आहे.
मुख्यमंत्र्यांचा निर्णय का आहे वादात?
राज्यातील खेळाडूंना शासकीय तसंच निमशासकीय क्षेत्रात नोकरी देताना खेळाला महाराष्ट्र राज्य ऑलिम्पिक संघटनेची मान्यता असावी, तसंच स्पर्धेचे आयोजन राज्य ऑलिम्पिक संघटनेस संलग्न असलेल्या खेळाडूंच्या संघटनेने केलेलं असावं, असा निर्णय राज्य सरकारने यापूर्वीच घेतला आहे. या परिस्थितीत गोविंदांना खेळाडूंच्या संवर्ग आरक्षणातून नोकरी कशी मिळणार, हा प्रश्न कायम असल्याने मुख्यमंत्री एकनाथ शिंदे यांनी घेतलेल्या निर्णयाबाबत संभ्रम निर्माण झाला आहे.
