police vehicle set on fire, कुऱ्हाड घेऊन पोलीस चौकीत गेला, पोलिसांची बाईक पेटवली; चौकशीतून वेगळीच माहिती उघड – police vehicle set on fire by youth case registered in parbhani

राणीसावरगाव येथील नसीम तांबोळी या महिलेने पोलिसांना फोन लावून मुलगा आलिम तांबोळी हा घरामध्ये तोडफोड करत असल्याची माहिती दिली. यानंतर पोलीस त्या ठिकाणी पोहोचले आणि आलिम तांबोळी याला ताब्यात घेतले. त्याच्यावर कारवाई करून नोटीस देऊन त्याला सोडून दिले. यानंतर पोलीस कर्मचारी राणीसावरगाव येथे गस्त घालत असताना पोलीस चौकीतून आगीचा भडका उडत असल्याचे पोलिसांना दिसले.
अंध दाम्पत्याच्या काळजाचा तुकडा गेला, लेकीचा संशयास्पद मृत्यू; काकासोबत दिसलेली शेवटची
पोलिसांनी पाहणी केली असता आलिम तांबोळी हा पोलीस चौकीजवळ दिसला. पोलिसांनी त्याला पकडण्याचा प्रयत्न केला असता तो पोलीस कर्मचाऱ्यांना धक्काबुक्की करून पळून गेला. यावेळी पोलिसांना चौकीमध्ये लावलेली दुचाकी जळत असल्याचे दिसून आले. पोलिसांनी सीसीटीव्ही कॅमेऱ्याची पाहणी केली असता आलिम तांबोळी हातात कुऱ्हाड घेऊन पोलीस चौकीचा विद्युत पुरवठा खंडित करत असल्याचे दिसून आले.
तुला शाप देईन! घाबरलेल्या अंधभक्ताने भोंदूबाबालाच संपवलं, APMC मार्केटमध्ये खळबळ
पोलिसांनी केलेल्या कारवाईचा राग मनात धरून त्याने पोलीस चौकी जाळण्याच्या उद्देशाने पोलिसांची दुचाकी पेटवून दिली. पोलिसांना जीवे मारण्याच्या उद्देशाने हल्ला केला. या प्रकरणी पोलीस कर्मचारी परमेश्वर मंत्री यांनी दिलेल्या तक्रारीवरून आलिम तांबोळी यांच्या विरोधात पिंपरी पोलीस ठाण्यात गुन्हा दाखल करण्यात आला आहे. घटनेचा अधिक तपास पोलीस करत आहेत.