शिंदे गटातील त्या वाचाळवीर आमदाराचे काय होणार?; सुप्रिया सुळे पंतप्रधान मोदींकडेच करणार तक्रार – mp supriya sule will report about a mla from shine group to prime minister modi

बारामती : शिंदे सरकार (Shinde Group) स्थापन होण्याआधी भाजपचे अनेक नेते राष्ट्रवादी, शिवसेनेच्या अनेक नेत्यांवर वेगवेगळे आरोप करत होते. मात्र सध्या तेच लोक सरकार मध्ये आहेत. तिकडे गेलेल्या अनेकांना सरकारने क्लीनचीट दिली आहे. तिकडे गेलेले अनेक नेते असे म्हणतात की, आम्ही भाजपमध्ये आल्यापासून आम्हाला काही अडचणी नाहीत. राज्यातील सरकारमधील एका गृहस्थाने तर केंद्रीय मंत्री अमित शहा यांचे नाव घेत थेट पत्रकारांसमोरच म्हणाले की, मी एका भाजपच्या महत्त्वाच्या नेत्याला भेटलो आहे. त्या नेत्याने मला शब्द दिला आहे की, मला काही अडचण येणार नाही. त्यामुळे मला सकाळी सात वाजता कोणी उठवायला येईल याची मला चिंता नाही. ही देशाच्या दृष्टीने ही गंभीर बाब आहे, असे खासदार सुप्रिया सुळे (MP Supriya Sule) यांनी म्हटले आहे. इतकेच नाही तर याबाबत सदर गृहस्थाबाबत पंतप्रधान नरेंद्र मोदी (PM Narendra Modi) व अमित शहा (Amit Shah) यांच्या निदर्शनास वरील बाब आणून देणार असल्याचेही सुळे यांनी म्हटले आहे. (mp supriya sule will report about a mla from shine group to prime minister modi)

पुढे त्या असेही म्हणाल्या, केंद्रात सत्ता आल्यावर पंतप्रधान नरेंद्र मोदी अनेकदा म्हणत होते की, ना खाऊंगा ना खाने दूंगा. मात्र त्यांच्याच सरकारमधील एका मंत्र्याचे नाव घेऊन एखादा आमदार बोलत असेल तर हे देशाच्या हिताचे नाही तसेच यामुळे पंतप्रधानांचे नावही खराब होत असल्याच्या सुळे म्हणाल्या.

Sharmila Thackeray: ठाकरे बंधू एकत्र येणार का? शर्मिला ठाकरे म्हणाल्या, ‘साद घातली तर बघू’
‘उद्धव ठाकरे हेच शिवसेनेचे वारसदार’

बाळासाहेब ठाकरे यांच्या पश्चात त्यांचे नाव घेऊन समाजकारण आणि राजकारण करण्याचा प्रथम अधिकार माजी मुख्यमंत्री उद्धव ठाकरे यांचा आहे. माझ्यावर जसे तुम्ही प्रेम केले तसेच उद्धववरही करा, असे म्हणत शिवसेनेचा भावी वारसदार कोण असेल याबाबत बाळासाहेब ठाकरे यांनीच एका जाहीर कार्यक्रमात स्पष्ट केले होते. याची आठवण करून देत खासदार सुप्रिया सुळे यांनी शिवसेनेचा उत्तराधिकारी उद्धव ठाकरे असल्याचे सांगितले. सुळे आज इंदापूर तालुक्यातील भिगवन येथील दौऱ्यावर होत्या. यावेळी त्यांनी पत्रकारांशी संवाद साधला.

माझ्या नवऱ्याच्या हातात सत्ता येईल तेव्हाच राज्यातील रस्ते चांगले होतील: शर्मिला ठाकरे
‘ज्याचा अभ्यास चांगला तो पास होईल’

पवारांचा बारामती लोकसभा मतदारसंघ काबीज करण्याच्या दृष्टीने भाजपाने जय्यत तयारी केली आहे. या पार्श्वभूमीवर केंद्रीय अर्थमंत्री निर्मला सीतारामन बारामती दौऱ्यावर येणार आहेत. यावर बोलताना खासदार सुप्रिया सुळे म्हणाल्या की, अर्थमंत्री निर्मला सीतारामन बारामतीत येत असतील तर मी त्यांचे स्वागतच करेन. देशाच्या अर्थमंत्री बारामतीत येत असतील तर बारामतीकरांना त्याचा आनंदच वाटेल. निवडणूक लढण्यासाठी दोन्ही बाजूला कोणी ना कोणीतरी पाहिजेच असते. ज्याचा अभ्यास चांगला आहे तो पास होईल. असे म्हणत खासदार सुप्रिया सुळे यांनी निर्मला सीतारामन यांच्या बारामतीतील नियोजित दौऱ्यावर भाष्य केले.

देवेंद्र फडणवीसांनी पुण्यातून लोकसभेची निवडणूक लढवली तर…; गिरीश बापटांचं महत्त्वाचं वक्तव्य