खरी शिवसेना कोणाची?, राज्यातील सत्तासंघर्षावर आज सुनावणी; सर्वोच्च न्यायालयात आज काय होणार?
दरम्यान, संगम तरुण मंडळाचे यंदाचे ५६ वे वर्ष आहे. हे मंडळ ऐतिहासिक देखावे साकारण्यासाठी प्रसिद्ध आहे. यावर्षी अफझल खान वध हा जिवंत देखावा संगम तरुण मंडळाच्या वतीने साकारण्यात येणार होता. तशी रीतसर परवानगी मागण्याचे पत्र ११ ऑगस्ट रोजी मंडळाच्या वतीने पोलिसांना देण्यात आले होते. शासनाचे सर्व नियम पाळून आम्ही हा उत्सव साजरा करू, अशी ग्वाही मंडळाच्या वतीने देण्यात आली होती. मात्र, यापूर्वी अशा देखाव्यांमुळे सामाजिक सलोखा बिघडून कायदा व सुव्यस्थेचा प्रश्न निर्माण झाल्याच्या घटना घडल्या आहेत. त्यामुळे अशा देखाव्यामुळे कायदा व सुव्यस्थेचा प्रश्न निर्माण होण्याची शक्यता नाकारता येत नाही. असं कारण देत अफझल खान वध हा जिवंत देखावा साकारण्यास परवानगी देण्यात येणार नसल्याचे पत्र पोलिसांनी संगम तरुण मंडळाला दिलं आहे.
दरम्यान, पोलिसांच्या या भूमिकेनंतर मंडळाचे अध्यक्ष किशोर शिंदे यांनी आपली भूमिका मांडली आहे. आम्ही या विरोधात उच्च न्यायालयात जाण्याचा विचार करत आहोत. मात्र त्यापूर्वी हिंदुत्वाच्या नावावर सरकार बनवलेल्या मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याकडून आम्हाला अपेक्षा आहे की, ते आम्हाला परवानगी देतील, असं किशोर शिंदे यांनी म्हटलं आहे.
