खरी शिवसेना कोणाची?, राज्यातील सत्तासंघर्षावर आज सुनावणी; सर्वोच्च न्यायालयात आज काय होणार?
दोन मजुरांना मारहाण करतानाचा व्हिडिओ
बालाजी मोरे हा भुताष्टे (ता. माढा) येथे इलेक्ट्रिक पोलचे मुकादम आहे. विकास भिवा नाईकवडे हे बालाजी मोरे याच्याकडे मजूर म्हणून काम करतात. १५ ऑगस्ट रोजी विकास हे आपल्या पत्नीला बालाजी मोरे यांच्याकडे जाऊन माझ्या कामाचे पैसे घेऊन येतो, असे सांगून गेले होते. मात्र रात्र झाली तरी ते घरी परतले नाही. दुसऱ्या दिवशी १६ ऑगस्ट रोजी संदीप लवटे हे घरी आले आणि सोनाली नाईकवडे यांना व्हिडिओ दाखवला. या व्हिडिओमध्ये विकास नाईकवडे (सोनालीचे पती) व सेवक कसबे या दोघांना बालाजी मोरे, भालचंद्र यादव व इतर दोन जण मारहाण करत असल्याचे दिसत होते.
१७ ऑगस्ट रोजी माढा पोलीस ठाणे येथे गुन्हा दाखल
शिवीगाळ आणि दमदाटी करुन विकास नाईकवाडे व सेवक कसबे या दोघा मजुरांना मारहाण करतानाचा व्हिडिओ सोनाली नाईकवडे यांनी पोलिसांना दाखवला. या व्हिडिओवरून माढा पोलीस ठाणे येथे गुन्हा दाखल करण्यात आला आहे. चारही आरोपींविरोधात अॅट्रॉसिटी, मारहाण आणि अपहरणाचा गुन्हा दाखल करण्यात आला आहे.
दरम्यान, याप्रकरणी पोलिसांनी गुन्हा दाखल करून चार आरोपींना अटक केली असून पुढील तपास करण्यात येत आहे.
