Govinda succumbs to injuries | संदेश दळवीचा रुग्णालयातील एक व्हिडिओ देखील व्हायरल होत आहे. शिवसेनेचे पदाधिकारी जितेंद्र जनावणे यांनी उपचारासाठी मदत केली असल्याचं त्यामध्ये दिसून येते. संदेशला उपचारासाठी सुरुवातीला कूपर रुग्णालयात दाखल करण्यात आले होते. त्यानंतर त्याला नानावटी रुग्णालयात हलवण्यात आले होते. त्याच्यावर तातडीची शस्त्रक्रियाही करण्यात आली होती. मात्र, सर्व प्रयत्न फोल ठरले.
हायलाइट्स:
- संदेश दळवी हा सर्वात वरच्या थरावर होता
- त्याने दहीहंडी फोडलीही
- संदेश दळवी हंडीला पकडून हवेत लोंबकाळत होता
शेलारांच्या दहीहंडीमुळे जांबोरीची रयाच गेली, वॉटर स्प्रिंकलर्स तुटले, मैदानात कचऱ्याचा ढिगारासंदेश दळवी हा मूळचा विलेपार्ले येथील असून काही दिवसांपूर्वी त्याचं कुटुंब कुर्ला येथे राहायला गेले होते. संदेशला उपचारासाठी सुरुवातीला कूपर रुग्णालयात दाखल करण्यात आले होते. त्यानंतर त्याला नानावटी रुग्णालयात हलवण्यात आले होते. त्याच्यावर तातडीची शस्त्रक्रियाही करण्यात आली होती. मात्र, दोन दिवस मृत्युशी झुंज दिल्यानंतर सोमवारी रात्री संदेश दळवीची प्राणज्योत मालवली. या घटनेमुळे मुंबईतील गोविंदा पथकांवर शोककळा पसरली आहे. तर याच पथकातील विनायक रामवाडे हा तरुणही जखमी झाला आहे. त्याच्यावर रुग्णालयात उपचार सुरू आहेत. याप्रकरणी दहीहंडीच्या आयोजकांविरोधात विलेपार्ले पोलिसांनी गुन्हा दाखल केला आहे. शुक्रवारी साजऱ्या झालेल्या दहीहंडी उत्सवादरम्यान मुंबईसह ठाण्यात एकूण २२२ गोविंदा जखमी झाले होते. त्यापैकी १९७ गोविंदांवर प्राथमिक उपचार करून त्यांना घरी सोडण्यात आले होते. तर २५ गोविंदांची दुखापत काहीशी गंभीर स्वरुपाची असल्याने ते अजूनही रुग्णालयात आहेत.
शिंदे सरकार आर्थिक मदत देणार?
राज्य सरकारनं सुरुवातीला दहिहंडीमध्ये सहभागी होणाऱ्या स्पर्धकांना १० लाखांचं विमा संरक्षण देणार असल्याची सुरुवातीला घोषणा केली होती. त्यामुळे आता राज्य सरकार संदेश दळवीच्या कुटुंबीयांना नेमकी किती मदत देणार हे पाहावे लागले. राज्याचे क्रीडामंत्री गिरीश महाजन यांनी संदेश दळवीच्या कुटुंबीयांना योग्य ती मदत दिली जाईल, असे सांगितले. शासनाने जाहीर केल्या प्रमाणे त्याच्या कुटुंबियांना १० लाख रुपये देऊ. तसेच संदेशची घरची परिस्थिती पाहून आणखी मदत करता येईल का? हे देखील बघत आहोत, असे गिरीश महाजन यांनी सांगितले.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Web Title : Marathi News from Maharashtra Times, TIL Network
