weather forecast news maharashtra, Weather During Ganeshotsav: राज्यात गणेशोत्सवापर्यंत कसं असेल हवामान, कुठे पाऊस-कुठे ब्रेक; वाचा वेदर रिपोर्ट – maharashtra weather in ganeshotsav weather forecast today and this week

मुंबई : राज्यात ऑगस्टच्या पहिल्या आठवड्यापासून मुसळधार पाऊस सुरू आहे. अनेक जिल्ह्यांमध्ये तुफान पाऊस झाला तर काही ठिकाणी पूरपरिस्थितीही ओढावली आहे. अशात पुढच्या काही दिवसांत पावसाची उघडीप पाहायला मिळेल अशी माहिती हवामान खात्याकडून देण्यात आली आहे.

हवामान खात्याने दिलेल्या माहितीनुसार, बुधवार (२४)पासून महाराष्ट्रात काहीशी पावसाची उघडीप असेल असा अंदाज वर्तवण्यात आला आहे. संपूर्ण मराठवाड्यातील ८ जिल्ह्यात अगदीच तुरळक ठिकाणी किरकोळ पावसाव्यतिरिक्त पुढील आठवडाभर म्हणजे सोमवार(२९) पर्यंत उघडीप जाणवू शकते. तर मध्य महाराष्ट्रातील खान्देश ते सोलापूरपर्यंतच्या १० जिल्ह्यात आजपासून तुरळक ठिकाणी किरकोळ पावसा व्यतिरिक्त उघडीप असेल.

हेही वाचा – गणेशोत्सवाच्या पार्श्वभूमीवर महाराष्ट्र धोक्यात, स्टेशनवर दोघांची तपासणी करताच पोलीस हादरले

सह्याद्रीतील घाटमाथ्यावरील नद्या उगम व धरण पाणलोट क्षेत्रात मात्र मध्यम ते मुसळधार पावसाची शक्यता अजूनही कायम आहे. नद्या व कॅनॉल पात्रातील होत असलेला सततचा पुर-पाणी विसर्ग कायम व नियंत्रणात ठेवण्याचे कार्य सिंचन विभागाला चालूच ठेवावे लागेल, अशीही माहिती देण्यात आली आहे.

कोकणातील ४ जिल्ह्यात पुढील ३ दिवस जोरदार पावसाची शक्यता कायम असून तिथेही गुरुवार दि.२५ ऑगस्टपासून पावसाचा प्रभाव किंचित कमी जाणवू शकतो. पण त्यानंतर मुसळधार पावसाची शक्यता कायम आहे. हवामान खात्याने दिलेल्या माहितीनुसार, विदर्भात आजसहित पुढील ३ दिवस तुरळक ठिकाणी हलक्या पावसाच्या सरीनंतर शुक्रवार(२६)पासुन पुन्हा मध्यम ते मुसळधार पावसाची शक्यता वर्तवण्यात आली आहे.

घटस्फोटीत महिलेवर व्यावसायिक झाला फिदा, लग्न केलं युरोपला नेलं पण परत येताच पायाखालची जमीन सरकली