मुंबई : गणेशोत्सवासाठी महाराष्ट्रासह देश-विदेशातही जय्यत तयारी सुरू आहे. राज्यात बाप्पाच्या आगमनासाठी मोठ्या उत्साहात लोक कामाला लागले आहेत. करोनाच्या महामारीमुळे दोन वर्षांच्या बंदीनंतर राज्यात पुन्हा एकदा गणेश चतुर्थी पाहायला मिळत आहे. अशात मुंबईतील सर्वात श्रीमंत गणेशोत्सव मंडळ GSB सेवा मंडळ, किंग्ज सर्कलने यावेळी पाच दिवसाच्या गणेशोत्सवाला विक्रमी विमा पॉलिसी काढली आहे.

पाच दिवसाच्या कार्यक्रमासाठी या मंडळाने तब्बल ३१६.४ कोटी विमा पॉलिसी घेतली आहे. न्यू इंडिया अॅश्युरन्स कंपनीने हा विमा काढला आहे. टाईम्स ऑफ इंडियाने दिलेल्या वृत्तानुसार, GSB मंडळाने याआधीही २०१६ मध्ये ३०० कोटी रुपयांचा विमा घेतला होता. मंडळाने त्यांच्याकडील सोन्याच्या वस्तू आणि इतर मौल्यवान वस्तूंबद्दल फारशी माहिती दिली नसली तरी यावेळी बाप्पाच्या संपत्तीमध्ये वाढ झाल्याची माहिती आहे.

हेही वाचा – गणेशोत्सवाच्या पार्श्वभूमीवर महाराष्ट्र धोक्यात, स्टेशनवर दोघांची तपासणी करताच पोलीस हादरले

खरंतर, या महागणपतीला तब्बल ६६ किलो सोन्याचे दागिने आणि २९५ किलोहून अधिक चांदी व इतर मौल्यवान वस्तूंनी सजवण्यात येतं. या मोठ्या विम्याच्या प्रीमियमची रक्कम जाहीर करण्यास मंडळाने नकार दिला आहे.

आयोजकांनी दिलेल्या माहितीनुसार, ‘३१६.४० कोटी रुपयांच्या विम्यामध्ये अनेक प्रकारच्या जोखमींना कव्हर करण्यात आलं आहे. यामध्ये ३१.९७ कोटी रुपयांमध्ये सोने, चांदी आणि मूर्तीची सजावट करणाऱ्या दागिन्यांचा समावेश आहे. तर मंडळासाठी काम करणारे स्वयंसेवक, पुजारी, स्वयंपाकी, फुटवेअर स्टॉलचे कर्मचारी, पार्किंग कामगार आणि कोणतीही दुर्घटना घडल्यास सुरक्षा रक्षक यांच्यासाठी २६३ कोटी रुपयांची सर्वात मोठी रक्कम कव्हरच्या स्वरूपात समाविष्ट आहे.

Weather During Ganeshotsav: राज्यात गणेशोत्सवापर्यंत कसं असेल हवामान, कुठे पाऊस-कुठे ब्रेक; वाचा वेदर रिपोर्ट
एका प्रवक्त्याने सांगितले की, “आग आणि भूकंपामुळे झालेल्या नुकसानीच्या वस्तू जसे की फर्निचर, इतर फिटिंग्ज, संगणक, सीसीटीव्ही कॅमेरे, स्कॅनर, भांडी, फळे आणि भाजीपाला इत्यादींसाठी १ कोटी रुपये आहेत.” GSB किंग्ज सर्कल २९ ऑगस्ट रोजी ‘विराट दर्शन’ कार्यक्रमात आपल्या गणपतीचा पहिला देखावणार असल्याचीही माहिती प्रवक्त्याने दिली.

मुंबईला उडवण्याच्या धमकीनंतर पोलिसांची सगळ्यात मोठी कारवाई, विरारमधून एकाला अटक

LEAVE A REPLY

Please enter your comment!
Please enter your name here