लातूर : जिल्ह्यातील हणमंत वाडी या भागात एक धक्कादायक घटना घडली आहे. घरी आलेल्या जावयाला सासूने प्यायला पाणी दिलं अन् पाणी पिऊन जावयाने धारदार शस्त्राने वार करत सासूचीच हत्या केली. तसंच प्रत्यक्षदर्शी स्वत:च्या ७ वर्षीय चिमुकल्या मुलाचा धारदार शस्त्राने गळा चिरला. त्यानंतर आरोपीने स्वतःही जाळून घेत आत्महत्या केल्याचं समोर आलं आहे. या घटनेनं संपूर्ण जिल्ह्यात मोठी खळबळ उडाली आहे.

रजनीकांत वेदपाठक यांचा पत्नीसोबत वाद झाल्याने त्यांची पत्नी लातूरपासून जवळच असलेल्या हणमंत वाडी येथे माहेरी निघून गेली होती. याचा राग मनात धरून रजनीकांत वेदपाठक हणमंत वाडी येथे गेला. पत्नी आणि तिची चिमुकली मुलगी बाहेर गेली होती. वडील आल्याची माहिती चिमुकल्या कार्तिक वेदपाठक याने आपल्या आजी चंद्रसेना (वय अंदाजे ५५ वर्ष) हिला दिली. चंद्रसेना यांनी जावई रजनीकांत वेदपाठकला प्यायला पाणी दिलं. पाणी पिऊन तो घरात टीव्ही पाहत बसला.

मुलगा विहिरीत पडला म्हणून बापाने घेतली धाव; मात्र घट्ट मिठी मारल्याने दोघांचाही दुर्दैवी अंत

रजनीकांत वेदपाठक याच्या मनात पत्नीसोबत झालेल्या भांडणाचा राग उफाळून येत होता. त्यामुळे त्याने कोयता सदृश्य धारदार शस्त्राने सासूवर सपासप वार करून ठार केले. ही घटना पाहणाऱ्या चिमुकल्या कर्तिकच्या गळ्यावरही त्याने धारदार शस्त्राने वार केले. यात तो गंभीर जखमी झाला. त्यानंतर रजनीकांतने एका खोलीत स्वत:ला बंद करत जाळून घेऊन आत्महत्या केली.

दरम्यान, आरडा-ओरडा ऐकून शेजारी धावले, मात्र तोपर्यंत फार उशीर झाला होता. या घटनेची माहिती पोलिसांना देण्यात आली. पोलीसही घटनास्थळी तात्काळ दाखल झाले. जखमी चिमुकल्या कार्तिकला उपचारासाठी खासगी रुग्णालयात दाखल करण्यात आलं असून त्याची प्रकृती गंभीर आहे. त्याच्यावर शस्त्रक्रिया सुरू आहे. चंद्रसेना वेदपाठक आणि रजनीकांत वेदपाठक यांचे मृतदेह शवविच्छेदनासाठी स्व. विलासराव देशमुख शासकीय वैद्यकीय रुग्णालयात नेण्यात आले आहेत. या घटनेचा पुढील तपास पोलीस करत आहेत.

LEAVE A REPLY

Please enter your comment!
Please enter your name here