तमिळनाडूमधील तिरुवर जिल्ह्यात एका अल्पवयीन मुलानं आत्महत्या केली आहे. पेरालम परिसरात हा प्रकार घडला. संजय असं मृत मुलाचं नाव आहे. तो १४ वर्षांचा होता. संजय पेरालममधील खासगी शाळेत इयत्ता नववीमध्ये शिकत होता.

 

student commit suicide
विद्यार्थ्याची आत्महत्या
तिरुवर: तमिळनाडूमधील तिरुवर जिल्ह्यात एका अल्पवयीन मुलानं आत्महत्या केली आहे. पेरालम परिसरात हा प्रकार घडला. संजय असं मृत मुलाचं नाव आहे. तो १४ वर्षांचा होता. संजय पेरालममधील खासगी शाळेत इयत्ता नववीमध्ये शिकत होता. संजय गेल्या काही दिवसांपासून तणावाखाली होता. शाळेतून दिल्या जाणाऱ्या गृहपाठामुळे त्याला बराच ताण आला होता असं सांगितलं जात आहे.

माझी शाळा बदला, असा हट्ट संजयनं अनेक दिवसांपासून धरला होता. मात्र कुटुंबीयांनी शाळा बदलण्यास नकार दिला. यामुळे नाराज झालेल्या संजयचा २२ ऑगस्टला आई-वडिलांशी वाद झाला. आई, वडील ओरडताच संजय घराच्या छतावर गेला. तिथे त्यानं पेट्रोल टाकून स्वत:ला जाळून घेतलं.
मंदिरातून घरी आले, दार बंद केले; पोलिसांनी दरवाजा तोडताच नातेवाईक हादरले, परिसरात खळबळ
स्वत:ला पेटवून घेताच संजय वेदनेनं आक्रोश करू लागला. त्याचा आवाज ऐकून आई, वडील छतावर पोहोचले. त्यांनी आग विझवली आणि १०८ क्रमांकावर फोन करून रुग्णवाहिका बोलावली. संजयला तिरुवरुर येथील सरकारी रुग्णालयात दाखल करण्यात आलं. २३ ऑगस्टला उपचारादरम्यान त्याचा मृत्यू झाला. पेरालम पोलिसांनी या प्रकरणाचा तपास सुरू केला आहे. संजयचा मृतदेह शवविच्छेदनासाठी पाठवण्यात आला आहे. त्याचा अहवाल आल्यानंतर पुढील कार्यवाही करण्यात येईल अशी माहिती पोलिसांनी दिली.
जेव्हा पाहिजे तेव्हा दंगल घडवू शकतो! गणेशोत्सवावरून भाजप आमदाराची पोलिसांना थेट धमकी
याआधी चेन्नईमध्ये इयत्ता १२ वीमध्ये शिकत असलेल्या एका विद्यार्थ्यानं आत्महत्या केल्याची घटना घडली होती. शिवगंगा जिल्ह्यातील घरात विद्यार्थी मृतावस्थेत आढळून आला. गणित आणि जीवशास्त्र विषय कठीण वाचत असल्यानं आत्महत्या करत असल्याचं त्यानं सुसाईड नोटमध्ये म्हटलं होतं.

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : Marathi News from Maharashtra Times, TIL Network

LEAVE A REPLY

Please enter your comment!
Please enter your name here