Home Maharashtra drdo campus leopard, पुणे शहरात बिबट्याचं दर्शन, नागरिक भयभीत; VIDEO पाहून हादराल...

Maharashtra

drdo campus leopard, पुणे शहरात बिबट्याचं दर्शन, नागरिक भयभीत; VIDEO पाहून हादराल – pune in drdo campus of vishrantwadi in pune a leopard was spotted roaming in the dark of night

Maharashtra News

24th August 2022

Authored by टीम मटा ऑनलाइन | Edited by प्रशांत पाटील | महाराष्ट्र टाइम्स.कॉमUpdated: Aug 24, 2022, 5:54 PM

Pune News : पुण्यात बिबट्याची दहशत पसरली आहे. विश्रांतवाडीच्या आरएडीईमध्ये रात्री हा बिबट्या फिरताना दिसला आहे. या बिबट्याचा व्हिडिओ व्हायरल झाला आहे. यामुळे नागरिकांमध्ये भीतीचे वातावरण पसरले आहे.

drdo campus leopard — पुण्यात बिबट्याची दहशत! मध्यरात्री वस्तीजवळ दिसल्याने नागरिकांमध्ये भिती; पाहा VIDEO

हायलाइट्स:

पुण्यात बिबट्याची दहशत
पुण्यातील विश्रांतवाडीतील घटना
परिसरातील नागरिकांमध्ये भीतीचे वातावरण

पुणे : पुण्यातील विश्रांतवाडीच्या आरएनडीईमध्ये रात्रीच्या अंधारात बिबट्या फिरताना आढळून आला आहे. विश्रांतवाडी परिसरात कळस भागात असणाऱ्या लष्करी भागात बिबट्याचे दर्शन झाले आहे. या भागामध्ये लष्करातील जवान सराव करत असतात. तसेच त्या ठिकाणी जवानांचे राहण्याची सोसायटी आहे. नदीकाठचा हा भाग असल्याने जंगलाचा हा परिसर आहे. सोमवारी मध्यरात्री लष्कर भागात या भागात दर्शन झाल्याने नागरिकांमध्ये भीतीचे वातावरण पसरले आहे .

विश्रांतवाडी-आळंदी मार्गावर लष्कर विभागाचा आरएनडीई असून यालगतच लष्काराच्या जवानांसाठी सरावाचा आणि सोसायटीचा भाग आहे. त्यालगतच संरक्षण भिंत उभारण्यात आली आहे. सोमवारी मध्यरात्रीच्या सुमारास लष्कराचे जवान या भागात पहारा देत असताना पथदिव्याच्या उजेडात बिबट्याचा वावर स्पष्टपणे दिसून आला. जवळपास १० ते १५ मिनिटे बिबट्या फिरत असल्याचे सीसीटीव्ही कॅमेऱ्यामध्ये निदर्शनास आले. याचा व्हिडिओ व्हायरल झाल्यामूळे परिसरातील लहान मुलासह महिलांमध्ये भीतीचे वातावरण पसरले आहे. या भागात लष्कराचे जवान करत असतात आणि त्या भागातच बिबट्या दिसून आल्याने सुरक्षिततेचा प्रश्न समोर आला आहे.

कोकण रेल्वेचा मोठा निर्णय; गणेशोत्सावानिमित्त रेल्वे डब्यांची संख्या वाढवणार; पाहा वेळापत्रक
बिबट्या पाहून लष्कराच्या जवानांनी आरडाओरड करून त्याला हाकलण्याचा प्रयत्न केल्यानंतर तो जंगलाच्या दिशेने गेला. तर लष्कराची संरक्षक भिंत असल्यामुळे त्याला भर वस्तीत येता आलं नाही. त्यामुळे अनर्थ टळला. एखादी दुर्घटना घडण्याअगोदर बिबट्याचा बंदोबस्त करण्याची मागणी नागरिकांकडून होत आहे.