HIV Positive, माणुसकीला काळीमा; आई-वडील एचआयव्ही बाधित, मुलाला इंग्रजी शाळेत प्रवेशच नाकारला – in beed the child of an hiv positive parent was denied admission to an english medium school

एचआयव्ही पॉझिटिव्ह (HIV Positive) म्हटले की प्रत्येकाच्या अंगावर काटा आल्याशिवाय राहात नाही. मात्र मरणाच्या भितीने अनेक जण एचआयव्ही पॉझिटिव्ह लोकांपासून लांब राहण्याचा प्रयत्न करतात. याविषयी अनेक यंत्रणा या रोगावर काम करत आहेत. आरोग्य विभाग जनजागृतीद्वारे देखील जनतेला या रोगाविषयी वेळोवेळी माहिती देते. मात्र, एचआयव्ही पॉझिटिव्ह नसतानादेखील बीडमध्ये माणुसकीचा काळीमा फासणारी घडना घडली आहे. आई-वडील एचआयव्ही बाधित म्हणून निगेटिव्ह मुलाला प्री प्रायमरी इंग्रजी शाळेत प्रवेश नाकारल्याचा संतापजनक प्रकार बीडच्या पाली येथे समोर आलाय. त्यामुळे एचआयव्ही बाधितांच्या पाल्यांच्या वाट्याला तोच वनवास आला आहे. (the child of an hiv positive parent was denied admission to an english medium school)

इंग्रजी शाळेत आपला मुलगा शिकावा, यासाठी आई आणि वडील दोघांनी प्रयत्न केले. अखेर पाली येथील परिवर्तन इंग्लिश स्कूलमध्ये प्रवेश घेतला. फी भरली दीड महिना शाळेने शिकवले. मात्र अचानक तुमच्या मुलाला शाळेत पाठवू नका, असे शाळेने संगितल्याचा आरोप पीडित आईने केला आहे. विशेष म्हणजे १५ ऑगस्ट रोजी स्वातंत्र्याचा अमृत महोत्सव साजरा होत असताना आपल्या मुलाला पाठवता आलं नाही याची खंत देखील बोलून दाखवली.

एचआयव्हीबाधित आई-वडिलांच्या समाजाकडून मुलाला दिली गेलेली वागणूक हिणकस आहे. पाच वर्षाच्या मुलाचा शिक्षणाचा हक्क हिरावून घेतला जातो हे दुर्दैव आहे, असं मत इन्फट इंडिया प्रकल्पाचे संचालक दत्ता बारजगे यांनी व्यक्त केले.

कीर्तनकार इंदुरीकर महाराजांवर गावकरी संतापले; थेट गुन्हा दाखल करण्याची मागणी, पोलीस ठाण्यात गर्दी
यासंदर्भात परिवर्तन प्री प्रायमरी इंग्लिश स्कूलच्या संचालक आणि शिक्षकांना विचारणा केली असता आम्ही मुलाला कोणतीही हीन वागणूक दिली नाही. याचे फोटो विडिओ आमच्याकडे आहेत. मात्र इतर पालक आक्रमक झाले. तो मुलगा शाळेत येणार असेल तर आमची मुलं पाठवणार नाहीत, असा पवित्रा इतर पालकांनी घेतला. म्हणून शासन आणि प्रशासनाने मदत करावी मागणी शाळेचे संचालक अशोक शिंदे यांनी केली.

घडलेल्या प्रकारा संदर्भात बीडचे प्राथमिकचे शिक्षणाधिकारी श्रीकांत कुलकर्णी यांना विचारले असता प्री प्रायमरी स्कूल ही खाजगी आहे. त्याला कुठलीही मान्यता दिली जात नाही. सामाजिक बांधिलकी म्हणून त्यांना आम्ही सूचना दिली असून चौकशी करण्याचे आदेश दिले आहेत.

तेरी अखियों का ये काजल; सपना चौधरीच्या ठुमक्यावर थिरकले बीडकर; लोकांनी छतावर, क्रेनवर पटकावली जागा
गावातील पालक भीतीपोटी मुलांना शाळेत पाठवत नाहीत. म्हणून संस्थाचालक देखील अडचणीत आहेत. तर मुलाला शिक्षण मिळावं म्हणून एचआयव्ही बाधित पालक देखील आग्रही आहेत. या वादात एचआयव्ही संदर्भात कोट्यवधी रुपये खर्च करून आरोग्य विभाग कागदोपत्री जनजागृती करत आहे. मात्र, प्रत्यक्ष लोकांचे गैरसमज दूर झाले नाहीत. म्हणून जनजागृती कमी पडत असल्याच यावरून दिसून येत आहे.

Beed News : दारू पिऊन मारलं, भांडी घासायला लावली; शासकीय बालगृहात कर्मचारी-अधीक्षकांकडून मुलांना अमानुष वागणूक
मात्र एचआयव्ही बाधित असलेल्या पालकांच्या मुलांना तेही एच आय व्ही निगेटिव्ह असताना शिकण्याचा अधिकार नाही का? आणि जर असेल तर इतर शाळेत त्यांना इतर मुलांचे पालक स्वीकारतील का याच सगळ्या घडामोडी सिद्ध करणारी ही पाली येथील घटना माणुसकीला काळीमा फासणारी असल्याचं पाहायला मिळ आहे. आता नेमके यावर शासन-प्रशासन कशा पद्धतीने त्याच्याशी निगडीत असलेल्या विद्यार्थ्यांना आणि एचआयव्ही पॉझिटिव्ह असलेल्या पालकांना न्याय देते हेच आता पाहणे गरजेचे आहे