मुंबई: विरोधकांनी सत्ताधाऱ्यांविरोधात विधानभवनात आंदोलन करत आतापर्यंतच पावसाळी अधिवेशन गाजवलं. मात्र, आज विधानभवनात काही वेगळंच चित्र पाहायला मिळालं. यावेळी सत्ताधाराऱ्यांकडून महाविकास आघाडीविरोधात हातात पोस्टर घेऊन जोरदार घोषणाबाजी करण्यात आली. यावेळी शिंदे गटातील आमदारांनी हे आंदोलन केलं. यावेळी त्यांच्या हातातील पोस्टर हे अत्यंत इन्टेस्टिंग होतं. ‘युवराजांची कायमच दिशा चुकली’, असं पोस्टर झळकवत आदित्य ठाकरेंवर हल्लाबोल करण्यात आला.

शिंदे गट आणि भाजप आक्रमक

आज पावसाळी अधिवेशनाचा शेवटचा दिवस आहे. पण, आज विरोधकांकडून नाही तर सत्ताधाऱ्यांकडून आंदोलन करण्यात आलं. शिवसेना नेते आदित्य ठाकरे यांचं पोस्टर हातात घेऊन हे आंदोलन करण्यात आलं. यावेळी ‘युवराजांची कायमच दिशा चुकली’, असं या पोस्टरवर लिहिण्यात आलं आहे. यावर आदित्य ठाकरे यांची घोड्यावर उलट्या दिशेने बसलेला फोटोही आहे. वर एकीकडे हिंदुत्व आणि दुसऱ्या दिशेने महाविकास आघाडी दाखवण्यात आलं आहे. तर आदित्य हे हिंदुत्वाकडे पाठकरुन बसलेले आहेत आणि ते महाविकास आघाडीच्या दिशेने बोट दाखवताना दिसत आहेत.

hinde Group Protest Against Aaditya Thackeray

शिंदे गट आणि भाजप आक्रमक

पावसाळी अधिवेशन सुरु झाल्यापासून सत्ताधारी आणि विरोधकामंधील संघर्ष पाहायला मिळत आहे. काल विधानभवनात सत्ताधारी आणि विरोधाकांमध्ये बाचाबाची झाली, हा वाद धक्काबुक्कीपर्यंत पोहोचला. त्यानंतर आज शिंदेगटाकडून थेट आदित्य ठाकरेंवर निशाणा साधण्यात आला आहे. त्यासोबतच राष्ट्रवादीवरही हल्लाबोल करण्यात आला आहे. लवासाचे खोके, बारामती ओके, दाऊदचे खोके, महाविकास आघाडी ओके, अशा घोषणा यावेळी शिंदे गटाकडून देण्यात आल्या.

मला या सगळ्यांची खरोखरच कीव येते – आदित्य ठाकरे

आदित्य ठाकरे यांनी पोस्टरबाजी करणाऱ्या शिंदे गटाच्या आमदारांवर सडकून टीका केली. यांच्यावर घरात चांगले संस्कार झाले असते तर मुळात यांनी गद्दारी केली नसती आणि आता असे बिचाऱ्यांसारखे उभे राहिले नसते, असे आदित्य ठाकरे यांनी म्हटले. आदित्य यांनी राजीनामा देऊन पुन्हा निवडणूक लढण्याचे शिंदे गटाचे चॅलेंजही स्वीकारले. मी कधीही राजीनामा द्यायला तयार आहे. शिंदे गटाच्या ४० आमदारांनीही त्यांचा राजीनामा द्यावा. विधानसभा विसर्जित करून संपूर्ण राज्यातच निवडणूक घ्या, असे आदित्य ठाकरे यांनी म्हटले.

या बंडखोर आमदारांना आम्ही काय कमी दिले होते. कोणताही मुख्यमंत्री सोडणार नाही, अशी खाती त्यांना दिली होत. पण, आज हे सर्वजण आमच्याच पाठीत खंजीर खुपसून आमच्यासमोर उभे आहेत. आम्हाला एकटं पाडण्यासाठी, आमच्यावर टीका करण्यासाठी या बंडखोर आमदारांना गळ्यात काय-काय घालून उभं केले जात आहे. आम्हाला एकटं पाडा, टीका करा, तर मंत्रिपदं मिळतील, असे या बंडखोर आमदारांना सांगितले जात असल्याचे आदित्य ठाकरे यांनी म्हटले.

बीएमसी निवडणुकीवरुन आदित्य ठाकरेंची शिंदे गट आणि भाजपवर जोरदार टीका

LEAVE A REPLY

Please enter your comment!
Please enter your name here