Nitin Gadkari: मागील महिन्यात नागपुरात झालेल्या एका कार्यक्रमात केंद्रीय मंत्री नितीन गडकरी आयुष्यात अजून खूप गोष्टी करायच्या आहेत म्हणून कधी-कधी राजकारण सोडण्याचा विचार करतो असं ते म्हणाले होते. तसंच आणखी एका कार्यक्रमात ते म्हणाले होते, की देणगीदार राजकीय पक्षांच्या मागे असतात आणि त्यांच्या मागण्या पूर्ण कराव्या लागतात. मी पक्षाध्यक्ष नसल्यामुळे मला अशा गोष्टींची पर्वा नसल्याचं ते म्हणाले होते. या विधानांतून ते संकेत देत होते असंच दिसतं. तीन आठवड्यांनंतर नागपूरचे भाजप खासदार गडकरींना पक्षाच्या संसदीय मंडळातून वगळण्यात आलं. त्याशिवाय त्यांना केंद्रीय निवडणूक समितीमधूनही काढून टाकण्यात आलं. यात महाराष्ट्राचे उपमुख्यमंत्री देवेंद्र फडणवीस यांच्यासह अनेक नव्या चेहऱ्यांचा समावेश करण्यात आला आहे. राष्ट्रीय स्वयंसेवक संघानेही गडकरींना हटवण्याची तयारी दर्शवल्याचं बोललं जात आहे.

RSS मध्ये बदलली समीकरणं

rss-

सध्याच्या फेरबदलामागे गडकरी आणि पंतप्रधान नरेंद्र मोदी आणि गृहमंत्री अमित शहा यांच्यातील वाद हे कारण असल्याचं विश्लेषकांचं म्हणणं आहे. तर राष्ट्रीय स्वयंसेवक संघातील बदललेल्या समीकरणामुळे हे घडलं असल्याचं अनेकांचं मत आहे. तसंच गडकरींची आरएसएससह जवळीकही तितकी वाढली नाही, असंही विश्लेषकांचं म्हणणं आहे. गडकरींचं डिमोशन आणि फडणवीस यांची बढती याचेही अनेक अर्थ आहेत. RSS च्या बदललेल्या समीकरणांनंतर गडकरींबाबत हा निर्णय घेतल्याची चर्चा आहे.

आरएसएसची संमती

भाजप नेते फडणवीस यांच्या यशाचं श्रेय त्यांच्याच प्रगतीला देतात. महाराष्ट्रात राज्यसभेपासून विधान परिषदेपर्यंत पक्षाचा विजय. त्याशिवाय एकनाथ शिंदे गटासह राज्यात सरकार स्थापण करणं आणि महाविकास आघाडी सरकार उलथून टाकणं ही त्यांची मोठी कामगिरी होती. त्याशिवाय फडणवीस हे गोव्याचे प्रभारीही आहेत. येथील विधानसभा निवडणुकीत पक्षाला बहुमत मिळालं होतं. आरएसएसच्या संमतीशिवाय भाजप असा कोणताही मोठा निर्णय घेऊ शकत नाही, असंही विश्लेषकांचं म्हणणं आहे. हेही वाचा – Video: मंत्रीपद गेले तरी काही फरक पडत नाही; तेव्हा नितीन गडकरी रोखठोक बोलले

राष्ट्रीय स्वयंसेवक संघ

गडकरी हे राष्ट्रीय स्वयंसेवक संघाच्या नेतृत्वाच्या (Rashtriya Swayamsevak Sangh) जवळचे आहेत. मात्र दत्तात्रेय होसाबोळे (Dattatreya Hosabale) सरकार्यवाह झाल्यानंतर परिस्थिती बदलू लागली. संघ प्रमुखानंतर सरकार्यवाह दुसऱ्या क्रमांकावर असतात आणि ते महत्त्वाचे निर्णयही घेतात. गडकरींसाठी होसाबोळे यांच्यापेक्षा भैय्याजी जोशी अधिक अनुकूल होते. ते पंतप्रधान मोदींच्याही जवळचे होते. आता आरएसएस गडकरींना हटवण्याचा निर्णय मागे घेण्याचा प्रयत्न करेल अशी आशाही कमी असल्याचं विश्लेषकांचं मत आहे.

RSS कडून हिरवा झेंडा?

rss-

गडकरींना (Nitin Gadkari) संसदीय मंडळातून हटवण्याचा निर्णय काही आठवड्यांपूर्वीच झाल्याचं काहीचं म्हणणं आहे. गडकरी यांना हटवण्यासाठी आरएसएसकडून (RSS) हिरवा झेंडा मिळाला असल्याची माहिती आहे. त्यांनी आपल्या पदाचा राजीनामा देण्याचंही मान्य केल्याचं सांगण्यात येत आहे. गडकरींसारख्या उत्तम कामगिरी करणाऱ्या मंत्र्याची उंची कमी होण्याची ही पहिलीच वेळ नाही. ज्यावेळी त्यांच्यावर आर्थिक अनियमिततेचे आरोप असताना त्यांना दुसऱ्यांदा भाजप अध्यक्षपदाचा कार्यकाळ मिळू शकला नाही.

नव्या तरुण चेहऱ्यांचा समावेश

२०१९ मध्ये ज्यावेळी गडकरी दुसऱ्यांदा मंत्री झाले तेव्हा त्यांचं आधीचं जलसंपदा मंत्रालय परत घेण्यात आलं. त्याऐवजी त्यांच्याकडे सूक्ष्म, लघु आणि मध्यम उद्योग मंत्रालयाचा कार्यभार देण्यात आला. पण मागील वर्षी त्यांच्याकडून तेही पद काढून घेण्यात आलं आणि नारायण राणे यांना हे पद देण्यात आलं. नागपुरातील भाजपच्या काही नेत्यांनी सांगितलं, की गडकरी आणि शिवराज सिंह चौहान यांच्यासारख्या ज्येष्ठ नेत्यांना संसदीय मंडळातून काढून टाकण्याचा निर्णय आश्चर्यकारक नाही, कारण पंतप्रधान मोदी आणि शहा पुढील भविष्यासाठी टीम तयार करत आहेत, अशी टीम जी पुढील दोन दशकं पक्षाची सेवा करू शकतील. त्यामुळेच पक्षाने फडणवीस आणि सर्बानंद सोनेवाल यांच्यासारख्या तरुण चेहऱ्यांचा समावेश केला आहे.

LEAVE A REPLY

Please enter your comment!
Please enter your name here