मुंबई : अभिनेते राजीव कपूर यांचा आज जन्मदिवस. राजीव कपूर म्हटलं की प्रत्येकाच्या समोर येतो राम तेरी गंगा मैली सिनेमा. त्यावेळी तो सिनेमा सुपर डुपर हिट झाला होता. मंदाकिनी आणि राजीव कपूर यांचे सीन खूपच गाजले होते. त्यावेळी मंदाकिनीची धबधब्यातली अंघोळ तर बहुचर्चित ठरली होती. रणधीर कपूर आणि ऋषी कपूरचं धाकटे भाऊ राजीव कपूर यांना घरून पाठिंबा होता. तरीही यशानं हुलकावण्या दाखवल्याच.

बाॅलिवूडचे शोमॅन राज कपूरचे ते धाकटे पुत्र. २५ ऑगस्ट १९६२ ला त्यांचा जन्म झाला. ते अभिनेते, निर्माते आणि दिग्दर्शक सगळं काही होते. राजीवनं १९८३ मध्ये एक जान है हम सिनेमातून अभिनयाच्या क्षेत्रात पाय ठेवले. तेव्हा ते २१ वर्षांचे होते. त्यानंतर २ वर्षांनी राम तेरी गंगा मैली सिनेमा आला आणि यशाचा पहिला स्वाद त्यांना चाखायला मिळाला. पण त्यानंतर आलेले सर्व सिनेमे फ्लाॅप झाले. १९९० मध्ये त्यांनी दिलीप कुमार आणि रेखाबरोबर आग की दरिया सिनेमात काम केलं. पण तो रिलीजच झाला नाही. मग जिम्मेदार सिनेमानंतर त्यांनी अभिनय सोडला आणि दिग्दर्शन, निर्मिती करायचं ठरवलं.

बॉलिवूड करतंय या सेलिब्रिटीसाठी प्रार्थना, प्रसिद्ध दिग्दर्शकाची प्रकृती गंभीर

अनेक सिनेमे रिलीज झालेच नाहीत

‘राम तेरी गंगा मैली’च्या यशानंतर राजीव कपूर यांनी मंदाकिनीसोबत दोन सिनेमांत काम केलं होतं. १९८६ मध्ये सुब्बा राव यांचा सिनेमा होता. तर दे दो मुझे प्यार हा एक सिनेमा दोघांना घेऊन काढलेला. पण ते रिलीजच झाले नाहीत.

राजीव आणि मंदाकिनी

३० वर्षांनी कमबॅक
जवळजवळ ३० वर्षांनंतर राजीव कपूर यांनी कमबॅक केलं होतं. ते तुलसीदास ज्युनियर सिनेमात होते. आपल्या मृत्यूआधी काही दिवस त्यांनी सिनेमाचं शूटिंग पूर्ण केलं होतं. २१ मे २०२२ ला हा सिनेमा रिलीज झाला होता.

टीव्ही मालिकेची केली निर्मिती
राजीव कपूर यांनी शादी का सीझन या मालिकेची निर्मिती केली होती. लिलिपुटनं दिग्दर्शन केलं होतं. ही १९९६ रोजी टीव्हीवर झळकली होती.

VIDEO: हॉट कपडे घालून रात्री चाहत्यांना व्हिडिओ कॉल करतेय ही अभिनेत्री

शेवटपर्यंत एकटेच राहिले राजीव
त्यांचं वैयक्तिक आयुष्यही फार चांगलं नव्हतं. २००१मध्ये त्यांनी आर्किटेक आरती सब्रवालशी लग्न केलं होतं. पण ते २ वर्षही टिकलं नाही. नंतर २००३मध्ये घटस्फोट झाला. राजीव यांचं नाव अनेक अभिनेत्रींशी जोडलं गेलं होतं. अभिनेत्री दिव्या राणा, तृष्णा यांच्या बरोबर त्यांचं अफेअर होतं, असं म्हणतात. प्रेमरोग सिनेमाच्या शूटिंग वेळी ते आणि पद्मिनी डेट करायचे. बाॅर्डरफेम सपना बेदीबरोबरही त्यांचं नाव जोडलं गेलं होतं. त्यांनी दुसरं लग्न काही केलं नाही.

कपूर भावंडं

हार्ट अटॅकनं निधन
राजीव कपूर हे शेवटच्या काळात रणधीर कपूर यांच्या बरोबर रहात होते. ९ फेब्रुवारी २०२१ ला त्यांना हार्ट अटॅक आला आणि त्यांनी जगाचा निरोप घेतला. तेव्हा ते ५८ वर्षांचे होते.

अभिनेता अर्जुन कपूरची आमदार प्रताप सरनाईकांच्या दहीहंडीत हजेरी, फोडली दहीहंडी

LEAVE A REPLY

Please enter your comment!
Please enter your name here