eknath shinde uddhav thackeray phone call, एकनाथ शिंदेंनी सांगितला उद्धव ठाकरेंच्या फोनचा ‘तो’ किस्सा, अजित पवारांनीही हात जोडले! – maharashtra assembly monsoon session 2022 cm eknath shinde taunts ajit pawar over early morning swearing with devendra fadanvis

डान्सबारवर चर्चा, खोक्यांचा विषय, मुख्यमंत्री म्हणतात, काळजी घेतली असती तर ते ‘सहकारी’ आज शेजारी असते!
“दादांनी त्यावेळी वेगळा निर्णय घेतला. पहाटे पहाटे शपथ घेतली. त्यावेळी मला आमच्या प्रमुखांचा फोन आला आणि फोनवर विचारलं की, तुम्ही टीव्ही बघितला का?, मी तर टीव्हीच बघत होतो… पण म्हटलं हे टीव्हीवाले कधीकधी मागचं पण दाखवतात.. पण मी नीट बघितलं तर टीव्हीवर फडणवीससाहेबही दिसले. आमचे प्रमुख मला म्हणाले की, मी जयंत पाटलांनाही फोन करतोय. पण ते फोन घेत नाहीयेत. त्यावर मी त्यांना म्हटलं, जयंतराव पण तिकडेच गेले आहेत. कारण जळगावचे आमदार अनिल पाटील तिकडे मला दिसले होते, ते पाठमोरे उभे असल्याने मला ते हुबेहुब जयंतरावांसारखे दिसले. त्यामुळे मी आमच्या प्रमुखांना सांगितलं की जयंत पाटील पण तिकडे गेले आहेत. पण, नंतर माहिती घेतली तेव्हा ते तिकडे गेले नव्हते. परंतु जयंतराव तिकडे गेले असते तर कार्यक्रम ओक्के झाला असता”, असं मुख्यमंत्री शिंदे म्हणताच सभागृहात खसखस पिकली.

‘कंत्राटी मुख्यमंत्री’ म्हणत उद्धव ठाकरेंनी हिणवलं, आता एकनाथ शिंदेंचं तोडीस तोड प्रत्युत्तर
एकनाथ शिंदे यांची जयंत पाटलांवर टोलेबाजी

जयंतराव मला काल तुम्ही मुख्यमंत्रिदाची ऑफर दिली, पण तुम्हाला साधं विरोधी पक्षनेता तरी होता आलं का? असा खोचक टोला मुख्यमंत्री एकनाथ शिंदे यांनी राष्ट्रवादीचे प्रदेशाध्यक्ष जयंत पाटील यांना लगावला. तुम्हाला विरोधी पक्षनेते होता आलं नाही याचं दु:ख काल तुमच्या चेहऱ्यावर स्पष्ट जाणवत होतं, असं म्हणत मुख्यमंत्र्यांनी कालच्या जयंत पाटलांच्या भाषणाला तोडीस तोड उत्तर दिलं.

एकनाथ शिंदे म्हणाले, “तुम्ही मला काल मुख्यमंत्रिपदाची ऑफर दिली, पण अगोदर अजितदादांना विचारलं का? कारण दादांची दादागिरी नेहमी चालते… ती चालायला देखील हवी, कारण ते आमचे मित्र आहेत…. पण जयंतराव तुम्हाला साधं विरोधी पक्षनेता तरी होता आलं का? तुम्हाला विरोधी पक्षनेते होता आलं नाही याचं दु:ख काल तुमच्या चेहऱ्यावर स्पष्ट जाणवत होतं”