नवी दिल्ली : कामाच्या ठिकाणी महिलांचा सहभाग वाढवण्याच्या मुद्द्यावर पंतप्रधान नरेंद्र मोदी यांनी घरून काम करण्यावर भर दिला आहे. एका कार्यक्रमाला संबोधताना पंतप्रधान म्हणाले की, घरून काम करणे महिलांसाठी उपयुक्त ठरू शकते. देशाच्या उभारणीत आणि आशा आणि आकांक्षा पूर्ण करण्यात कामगार महत्त्वाची भूमिका बजावतात असेही पंतप्रधान मोदी म्हणाले. कामगार मंत्रालयाच्या कार्यक्रमात बोलताना पंतप्रधान मोदी म्हणाले की, भारत एक वेगाने विकसित होणारी अर्थव्यवस्था बनली आहे आणि याचे सर्वाधिक श्रेय आपल्या कामगारांना जाते.

PM किसान योजनेच्या लाभार्थ्यांची संख्या घटली, यामध्ये तुमचे नाव नाही… पाहा कसे चेक करणार

देशाच्या विकासात श्रमशक्तीचे मोठे योगदान
केंद्रीय श्रम आणि रोजगार मंत्रालयाच्या वतीने आंध्र प्रदेशमध्ये सुरू असलेल्या दोन दिवसीय राष्ट्रीय कामगार परिषदेला पंतप्रधान नरेंद्र यांनी संबोधित केले. ते म्हणाले की, विकसित भारत बनवण्याचे स्वप्न साकार करण्यात भारताच्या श्रमशक्तीचा मोठा वाटा आहे. संघटित आणि असंघटित क्षेत्रात काम करणाऱ्या कोट्यवधी कामगारांसाठी देश अखंड कार्यरत आहे.

कामाची बातमी! एटीएम, क्रेडिट कार्डचे नियम १ ऑक्टोबरपासून बदलणार

२९ कायद्यांना ४ लेबर कोडमध्ये बदलले

पंतप्रधान म्हणाले की गेल्या आठ वर्षांत आम्ही देशातील गुलामगिरीचे कायदे आणि गुलामगिरीच्या मानसिकतेचे कायदे रद्द करण्यासाठी पुढाकार घेतला आहे. देश आता असे कामगार कायदे बदलत आहे, सुधारणा करत आहे आणि सोपे होत आहे. या विचाराने २९ कामगार कायदे ४ सोप्या कामगार संहितेत बदलण्यात आले आहेत.

वर्क फ्रॉम होममध्ये तुम्ही केलीय ‘मुनलाईटिंग’; दिग्गज IT कंपनीचा मालक म्हणतो ‘ही तर फसवणूक’

महिला कामगारांचा सहभाग वाढेल
पंतप्रधान म्हणाले की महिला कामगार दलाच्या सहभागासाठी आपण लवचिक कामाच्या ठिकाणासारख्या प्रणालींचा वापर करू शकतो. देशाचे श्रम मंत्रालय अमृतकलमध्ये २०४७ वर्षासाठी आपले व्हिजन तयार करत आहे. कामाचं ठिकाण आणि वेळ (flexi work hours), घरातून काम करणे हे भविष्यात महत्वाची ठरणार आहे.

आठवड्यातील कामाचे दिवस कमी करण्याची योजना
केंद्र सरकार जुलै महिन्यात नवीन कामगार कायदे लागू करणार होते, पण ते आणखी पुढे ढकलण्यात आले. नवीन कायद्यांनुसार आठवड्यातील कामकाजाचे दिवस कमी होतील. यासोबतच वेतनश्रेणीतही बदल करण्यात येणार आहेत. पीएफ (भविष्य निर्वाह निधी) योगदानही वाढण्याची शक्यता आहे.

LEAVE A REPLY

Please enter your comment!
Please enter your name here