अंत्यसंस्कारावेळी सगळेच हसले; पार्थिवासोबतचा फोटो व्हायरल, कारण वाचून कौतुक वाटेल
कुपनलिका असलेल्या भागात मिथेन वायू असल्यानं आग बाहेर पडत असावी असा अंदाज तज्ज्ञांनी व्यक्त केला. कुपनलिकेतून पाण्यासोबत आगही बाहेर पडत असल्यानं गावात भीतीचं वातावरण आहे. ग्रामस्थांनी घटनेची माहिती पोलीस आणि प्रशासकीय अधिकाऱ्यांना दिली आहे.
कुपनलिकेतून अनेकदा पाणी आणि आग बाहेर पडत असते. आधीही असा प्रकार घडला आहे, असं गावात वास्तव्यास असलेल्या देवेंद्र सिंह लोधी यांनी सांगितलं. घटनेची माहिती प्रशासनाला दिल्यावर त्यांनी कुपनलिकेचं हँडल, आतला पंप आणि काढून नेला. त्यामुळे आता कुपनलिकेतून पाणी आणि आग बाहेर पडत आहे. ग्रामस्थांमध्ये घबराट पसरली असून त्या भागात कोणीच जात नाही. तिथून वाहनं नेणंदेखील टाळतात, असं लोधी म्हणाले.
पबजीने बना दी जोडी! गेम खेळताना प्रेम झालं; तिनं घर सोडलं, ८७० किमी अंतर कापलं अन् मग…
कुपनलिकेतून पाण्यासोबत ज्वलनशील वायू बाहेर पडणं ही काही चमत्कारिक घटना नाही, असं भोपाळमधील मोतीलाल विज्ञान महाविद्यालयाचे प्राध्यापक डॉ. ज्ञानेंद्र प्रताप सिंह यांनी सांगितलं. जमिनीखाली असलेला मिथेन वायू बाहेर पडताना अशा प्रकारे आगीच्या ज्वाळा दिसून येतात, असं सिंह म्हणाले.
