suicide in college hostel, ‘जीवन हे सुंदर आहे, पण…’; सुसाईड नोट लिहून कॉलेजच्या विद्यार्थिनीने हॉस्टेलमध्येच आयुष्य संपवलं! – a college student committed suicide in the hostel by writing a suicide note

औरंगाबाद : वाणिज्य शाखेचं शिक्षण घेत असलेल्या २० वर्षीय विद्यार्थिनीने शहरातील देवगिरी वसतीगृहात गळफास घेऊन आत्महत्या केली आहे. ही घटना शुक्रवारी सायंकाळी ५ वाजताच्या सुमारास घडली. आरती सर्जेराव कोल्हे (२०, रा. गुरूपिंप्री, ता. घनसावंगी जि. जालना) असं मृत विद्यार्थीनीचे नाव असून या घटनेनं वसतीगृह परिसरात खळबळ उडाली आहे.

मिळालेल्या माहितीनुसार, आरती कोल्हे ही विद्यार्थिनी आपल्या शांत स्वभावासाठी ओळखली जात. ती महाविद्यालयातही फारशी कोणासोबत बोलत नव्हती. मात्र नैराश्यातून तिने आपलं जीवन संपवण्याचा टोकाचा निर्णय घेतला आहे. ‘जीवन हे सुंदर आहे. ते जगले पाहिजे. मात्र मला जीवनाचा कंटाळा आला आहे,’ अशा आशयाची चिठ्ठी लिहून आरतीने गळफास घेतला.

पुण्यात सिनेस्टाईल पाठलाग, गोळीबाराचं थरारनाट्य, मुंबईकराला घाबरवत कोट्यवधींना लुटलं

नेमकं काय घडलं?

वेदांतनगर पोलीस ठाण्याचे निरीक्षक सचिन सानप यांनी दिलेल्या माहितीनुसार, देवगिरी महाविद्यालयातील मुलींच्या वसतीगृहात तिसऱ्या मजल्यावरील रूम नंबर ४४ मध्ये आरती कोल्हे ही इतर मुलींसोबत राहात होती. शुक्रवारी सायंकाळी रूममध्ये कोणीच नसताना शॉलच्या साहाय्याने पंख्याला गळफास घेत आरतीने आपलं आयुष्य संपवलं. आरतीजवळ एक चिठ्ठी सापडली असून त्यात जीवनाविषयी तिने बरंच काही लिहिलं आहे. इतर मुली रुममध्ये परतल्यानंतर हा प्रकार उघडकीस आला. या प्रकरणी वेदांतनगर पोलीस ठाण्यात अकस्मात मृत्यूची नोंद करण्यात आली आहे.

दरम्यान, आरती कोल्हे हिला नेमक्या कोणत्या कारणातून नैराश्य आले आणि तिने आत्महत्येसारखं टोकाचं पाऊल का उचललं, याप्रकरणी पोलीस अधिक तपास करत आहेत.