मुंबई हादरली! अंधेरीत बॅगेत सापडला १५ वर्षीय तरुणीचा मृतदेह, शरीरावर असंख्य खुणा, घडलं तरी काय – crime news today mumbai body of 15 year old girl found in bag in naigaon andheri

मुंबई : मुंबईमध्ये एक धक्कादायक प्रकार समोर आला आहे. अंधेरी येथून गुरुवारी बेपत्ता झालेल्या १५ वर्षीय तरुणीचा मृतदेह शुक्रवारी दुपारी नायगाव (पूर्व) येथे एका आयताकृती ट्रॅव्हल बॅगमध्ये आढळून आला. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.

वालीव पोलिसांनी खुनाचा गुन्हा दाखल केला आहे. सगळ्यात धक्कादायक बाब म्हणजे तरुणीच्या शरीरावर वार केल्याच्या असंख्य जखमा असल्याची माहिती देण्यात आली आहे. विलेपार्ले येथील शाळेत जाण्यासाठी ही मुलगी सकाळी ११.४५ च्या सुमारास तिच्या अंधेरीतील घरातून निघाली होती. संध्याकाळी ६.१५ वाजेपर्यंत ती घरी परतली नाही तेव्हा तिच्या पालकांनी तिच्या एका वर्गमित्राला फोन केला, त्याने कळवले की मुलगी गुरुवारी शाळेत गेली नव्हती. त्यानंतर पालकांनी अंधेरी पोलिसात अपहरणाचा गुन्हा दाखल केला.

हेच अडाणी लोकं महाराष्ट्राचे वाटोळं करणार, रुपाली ठोंबरेंची तानाजी सावंतांवर घणाघाती टीका
शुक्रवारी दुपारी ३.३० वाजेच्या सुमारास परेरा नगर येथील झुडपात डफलीची पिशवी पडलेली एका प्रवाशाच्या लक्षात आली आणि त्यांनी पोलिसांना माहिती दिली. मृतदेह बेडशीटमध्ये गुंडाळून डफल बॅगमध्ये ठेवण्यात आला होता. खून अन्यत्र झाला असावा आणि मृतदेह निर्जनस्थळी फेकून दिला असावा, असे वरिष्ठ निरीक्षक कैलास बर्वे यांनी सांगितले.

मृत्यूचे कारण आणि मुलीवर लैंगिक अत्याचार झाला आहे का, याचा शोध घेण्यासाठी मृतदेह शवविच्छेदनासाठी पाठवण्यात आला आहे. मुंबईतील पोलिसांसह विविध पोलीस पथकांनी आरोपींचा शोध सुरू केला आहे.

पुणे हादरलं! आपण लग्न करू; अनैतिक संबंधातून लग्नाचा तगादा, प्रियकराने काढला सुपारी देऊन काटा