शिंदे गटाच्या आमदारांच्या नावापुढे आता वंशपरंपरेने नवी उपाधी लागणार; शिवसेनेकडून खरपूस समाचार
करुणा मुंडे यांनी फिर्यादीत म्हटलं आहे की, आरोपी भारत भोसले कामानिमित्त धनंजय मुंडे यांच्याकडे वारंवार येत होता. त्यावेळीत्याचा परिचय झाला होता. जानेवारी २०२२ मध्ये आरोपी भारत, विद्या आभंग व प्रथमेश आभंग मुंबईला मुंडे यांच्या घरी आले होते. तेथे भोसले म्हणाला की, तुम्ही नवीन पक्ष काढत आहेत. त्या पक्षात आम्हा घ्या. आपण त्यासाठी खर्च विभागून करू. त्यांच्यावर विश्वास ठेवून मुंडे यांनी त्यांच्याशी पक्ष स्थापनेसंबंधी बोलणी सुरू ठेवली.
हेच अडाणी लोकं महाराष्ट्राचे वाटोळं करणार, रुपाली ठोंबरेंची तानाजी सावंतांवर घणाघाती टीका
दरम्यान, काही दिवसांनी आरोपींनी त्यांची लेवलसेट कन्स्ट्रक्शन प्रा.लि. ही कंपनी असल्याचे सांगून त्यामध्ये गुंतवणूक करण्याचा प्रस्ताव मुंडे यांना दिला. कंपनीत ३० लाख रुपये गुंतवले तर नफ्यापोटी दरमहा ४५ ते ७० हजार रुपये देऊ, असे आरोपींनी सांगितले. त्यांच्यावर विश्वास ठेवून मुंडे यांनी काही पैसे रोख तर काही चेकद्वारे दिले. मधल्या काळात आरोपींकडून काहीच प्रतिसाद मिळत नव्हता. पैसेही नाही आणि ते संपर्कही टाळत होते. शिवाय पैशाची मागणी केल्यावर खोट्या गुन्ह्यात अडकवण्याची धमकीही देत होते. शेवटी करुणा मुंडे यांनी संगमनेर पोलिसांत धाव घेऊन फिर्याद दिली. पोलिसांनी भारत भोसले, विद्या आभंग व प्रथमेश आभंग (दोघे रा. घुलेवाडी, ता. संगमनेर) या तिघांवर गुन्हा दाखल केला आहे.
दरम्यान, याप्रकरणी सहाय्यक पोलीस निरीक्षक जाधव यांच्याकडे तपास सोपवण्यात आला आहे.
