करुणा मुंडे यांची संगमनेरमध्ये ३० लाख रुपयांची फसवणूक; आरोपी धनंजय यांच्या ओळखीचे असल्याचा आरोप
सरकारकडून रिसॉर्ट पाडण्याचे आदेश आले आहेत. त्यामुळे रिसॉर्टवर तोडक कारवाई होणारच. मात्र या रिसॉर्टसाठी पैसे कुठून आले याचा हिशोब परब यांना द्यावाच लागेल, असा पुनरुच्चार सोमय्या यांनी केला. परब यांनी सीआरझेड नियमांचं उल्लंघन करून रिसॉर्ट उभारल्याचा आरोप सोमय्यांनी केला होता. त्यांनी या प्रकरणाचा पाठपुरावा केंद्रीय पर्यावरण मंत्रालयाकडे केला होता.
सोमय्या सकाळी ७ वाजून ५५ मिनिटांनी ठाण्याहून खेडला रवाना झाले. दुपारी बावणे बाराच्या सुमारास त्यांचं खेड रेल्वे स्थानकात आगमन होईल. तिथून ते दापोलीला रवाना होतील. मुरुड ग्रामपंचायतीच्या हद्दीत असलेल्या साई रिसॉर्टला सोमय्या भेट देणार आहेत. यावेळी त्यांच्यासोबत अधिकारीदेखील असण्याची शक्यता आहे. सोमय्या काही पोलीस अधिकाऱ्यांचीही भेट घेतील.
शिंदे गटाच्या आमदारांच्या नावापुढे आता वंशपरंपरेने नवी उपाधी लागणार; शिवसेनेकडून खरपूस समाचार
अनिल परब आहेत कुठे?
साई रिसॉर्टशी आपला कुठलाच संबंध नसल्याचा दावा परब यांनी केला आहे. मात्र सोमय्यांनी यासंदर्भातील कागदपत्रं आणि तपशील केंद्रीय पर्यावरण मंत्रालयाला दिला आहे. गेल्या काही दिवसांपासून अनिल परब प्रसारमाध्यमांसमोर आलेले नाहीत. ते त्यांच्या मुंबईतील घरीही नाहीत. परब सध्या अज्ञातवासात असल्याचं बोललं जात आहे.
