जळगाव : जळगाव तालुक्यातील वावडदा इथे पोळा सण साजरा करत असताना बिथरलेला नंदीबैल चक्क छतावर चढून खाला पडल्याने गंभीर जखमी झाल्याची घटना शुक्रवारी दुपारी ३.३० वाजेच्या सुमारास घडली. या घटनेमुळे गावात खळबळ उडाली आहे. याचा व्हिडिओदेखील सध्या सोशल माध्यमांवर व्हायरल होत आहे.

जिल्ह्यात पोळा सण उत्साहात साजरा करण्यात आला. जळगाव तालुक्यातील वावडदा येथील गोकूळवाडा इथे पोळा सण साजरा करत असतांना शुक्रवारी २६ रोजी दुपारी ३.३० वाजेच्या सुमारास शेतकऱ्यांचा बैल बिथरल्याने चक्क घरातच्या जिन्यावरून छतावर चढला. शेतकऱ्याने त्याला खाली उतरवण्याच्या प्रयत्नात असतांना घराच्या छतावरून खाली पडला.

मुंबई हादरली! अंधेरीत बॅगेत सापडला १५ वर्षीय तरुणीचा मृतदेह, शरीरावर असंख्य खुणा, घडलं तरी काय
खाली सिमेंट काँक्रीटचा रोड असल्याने या घटनेत नंदीबैल गंभीररित्या जखमी झाला आहे. या घटनेमुळे वावडदा गावात खळबड उडाली आहे. घटना घडल्यानंतर पशू वैद्यकीय अधिकारी यांना बोलावण्यात आले आहे. बैलाची प्रकृती चिंताजनक असल्याची माहिती मिळाली आहे.

पोळ्या निमित्ताने सजविलेला बैल दुसऱ्या मजल्यावर घेऊन जाणे शेतकऱ्याला चांगलेच महागात पडले आहे. गच्चीवर नेलेला बैल खाली उतरवताना बैल बिथरल्याने खाली पडून तो मरणासन्न अवस्थेत जाऊन पोहोचल्याने हळहळ व्यक्त केली जात आहे. पोळ्या निमित्ताने सर्वत्र बैल सजून त्याच्या पूजनाचा कार्यक्रम होत असताना जळगाव जिल्ह्यात वावडदा गावात दुर्दैवी घटना घडली आहे.

ड्रग्ज दिल्यानंतर सोनालीसोबत २ तास ते दोघे होते बाथरुममध्ये, त्या १२० मिनिटांत नेमकं काय घडलं..
नेमकं काय घडलं…

पोळ्या निमित्ताने वावडदा गावात गोपाळ वाडा भागात राहणाऱ्या सुधाकर राजपूत या शेतकऱ्याने आपला बैल सजऊन आपल्या घराच्या दुसऱ्या मजल्यावर नेला होता. काही वेळ बैल धाब्यावर राहिल्यानंतर त्याला खाली उतरविण्याचा प्रयत्न सुधाकर राजपूत यांनी केला. मात्र, बैल खाली उतरण्यास अडचण येत असल्याचं लक्षात येताच त्यांनी त्याला दोर पकडून खाली आणण्याचा प्रयत्न केला. मात्र, यावेळी बैल स्वतःला विरुद्ध दिशेला खेचत असल्याने त्याला धाब्याचा अंदाज न आल्याने त्याचा तोल जाऊन तो थेट जमिनीवर जाऊन कोसळला

पन्नास फुटावरून बैल जमिनीवर कोसळल्याने गंभीर जमखी झाला आहे. पोळ्याच्या निमित्ताने बैल दुसऱ्या मजल्यावर नेण्याबाबत शेतकऱ्याचा आततायीपना बाबत ग्रामस्थांच्यामध्ये विविध चर्चा रंगू लागल्या आहेत.

घर ते कार्यालय-कार्यालय ते घर, तानाजी सावंतांचा अजब पुणे दौरा; रूपाली पाटील म्हणाल्या हेच अडाणी महाराष्ट्राचं वाटोळं करणार

LEAVE A REPLY

Please enter your comment!
Please enter your name here