हृदयरोग तज्ञ डॉ अनुपम शहा, डॉ गुरुनाथ परळे, बिपीन पटेल, मेहुल पटेल यांच्या राहत्या घरासमोर व कार्यालयासमोर तगडा पोलीस बंदोबस्त आहे. आयकर विभागाचे अधिकारी बाहेर येतात आणि आपल्या वाहनांतून कागदपत्रे घेऊन जात असल्याचे चित्र पाहावयास मिळत आहे. डॉक्टरांशी संपर्क केले असता ते देखील महिती द्यावयास तयार नाहीत.
सोलापुरातील रुग्णालयांवर छापे; प्राप्तिकर विभागाकडून कागदपत्रांची तपासणी
प्राथमिक माहितीनुसार बॅंक अकाऊंट सील
डॉ गुरुनाथ परळे, डॉ अनुपम शहा, बिपीन पटेल, मेहुल पटेल यांची बँक खाती आयकर अधिकाऱ्यांनी सील केली आहेत. डॉ गुरुनाथ परळे हे कॉन्फरन्ससाठी पुद्दुचेरीला गेले होते. आयकर विभागाने त्यांना बोलावून घेतले आहे आणि आयसीआयसीआय बॅंकेतील त्यांच्या खात्याची कसून तपासणी केली आहे. तर पंढरपूर येथील साखर कारखानदार अभिजीत पाटील यांनादेखील आयकर विभागाने बोलावून घेतले आहेत.
