Authored by टीम मटा ऑनलाइन | Edited by प्रशांत पाटील | महाराष्ट्र टाइम्स.कॉमUpdated: Aug 27, 2022, 3:54 PM

wai Gorakhnath : करोनानंतर तब्बल दोन वर्षांनंतर राज्यात पोळा साजरा झाला. वसमत तालुक्यातील वाई गोरखनाथ येथे पोळ्याच्या करीच्या दिवशी भरणाऱ्या महापोळ्याला मराठवाड्यासह विदर्भातूनही मोठ्या प्रमाणात बैलजोड्या आल्याने यंदा विक्रमी गर्दी झाल्याचे चित्र पहायला मिळाले.

 

Hingoli News

हायलाइट्स:

  • मराठवाड्यात पोळ्याच्या दुसऱ्या दिवशी वाईत भरतो महापोळा
  • ७०० वर्षांची परंपरा पाळत वाईत ३५ हजार बैलजोड्यांची हजेरी
  • करोनानंतर तब्बल दोन वर्षांनंतर राज्यात पोळा साजरा झाला
हिंगोली : कोरोनाच्या महामारीनंतर तब्बल दोन वर्षानंतर यावर्षी पोळा फुटला आहे. हिंगोली जिल्ह्यात ठिकठिकाणी पोळा हा सण मोठ्या उत्साहात साजरा करण्यात आला. कुठेही गालबोट न लागता शेतकऱ्यांनी आनंद उत्सव साजरा केला. बैल पोळा सणाच्या दुसऱ्या दिवशी जिल्ह्यातील देव प्रसिद्ध देवस्थान असलेल्या ठिकाणी शेतकरी आपले बैल जोड्या घेऊन दर्शनासाठी जातात.

वसमत तालुक्यातील वाई गोरखनाथ येथे पोळ्याच्या करीच्या दिवशी भरणाऱ्या महापोळ्याला मराठवाड्यासह विदर्भातूनही मोठ्या प्रमाणात बैलजोड्या आल्याने यंदा विक्रमी गर्दी झाल्याचे चित्र पहायला मिळाले. करोनामुळे दोन वर्षे साध्या पद्धतीनेच पोळा झाल्यानंतर यंदा मोठा उत्साह दिसून आला.
कोकणात उद्धव ठाकरेंना धक्का? राजन साळवींनी घेतली भाजप मंत्र्याची भेट; स्पष्टीकरण दिलं, मात्र…
वाई (गोरखनाथ) येथे तब्बल ७०० वर्षांपासून दरवर्षी पोळ्याच्या दुसऱ्या दिवशी कर निमित्त ऐतिहासिक बैलपोळा साजरा केला जातो. गोरखनाथ देवस्थानाला प्रदक्षिणा घालण्याकरिता जिल्ह्यासह परजिल्ह्यातील बैलजोड्या येथे येतात. गोरखनाथाचे दर्शन घेतल्यास बैलांना कोणताच आजार होत नाही,अशी आख्यायिका सांगितली जाते.

वाई गोरखनाथ संस्थान व गावकऱ्यांच्या वतीने येणाऱ्या सर्व शेतकऱ्यांची नाष्टा व जेवणाची मोफत व्यवस्था करण्यात येते. बैलांसाठीही चारा व्यवस्था येथे मोफत उपलब्ध करुन दिला जातो. तसेच जिल्हा परिषद पशु संवर्धन विभागाच्या वतीने पशुधनाची मोफत आरोग्य तपासणी व लसीकरण करण्यासाठी शिबिरही घेण्यात आले. यात्रेच्या पार्श्वभूमीवर होणारी विक्रमी गर्दी लक्षात घेऊन वसमत ते औंढा या महामार्गावरील वाहतूक बंद करून पर्यायी मार्गाने ती वळविण्यात आली होती. या पोळ्यासाठी यंदा जवळपास ३५ हजार बैलजोड्यांनी सकाळी ११ वाजेपर्यंत हजेरी लावली होती. यंदा जवळपास ५० हजार बैलजोड्या हजेरी लावतील, असा अंदाज व्यक्त आला होता.

अधिकारी बाहेर येतात, कारमधून कागदपत्रं घेऊन जातात; सोलापुरात तीन दिवस ITची रेड सुरूच

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here